ഭർത്താവിനേയും മകളേയും ഉപേക്ഷിച്ച് കടന്ന യുവതിയും കാമുകനും അറസ്റ്റിൽ

കിളിമാനൂർ: വിദേശത്തായിരുന്ന ഭർത്താവിനെയും എട്ടു വയസുള്ള മകളെയും ഉപേക്ഷിച്ച് കാമുകനൊപ്പം ഒളിച്ചോടിയ യുവതിയും കാമുകനും അറസ്റ്റിൽ. മടവൂർ, കൃഷ്ണൻകുന്ന് ഭാസ്കര വിലാസത്തിൽ സജിന്റെ ഭാര്യ പ്രജീന (29) , തൃശൂർ എരവ് കരിവാംവളവ്, വടക്കോട്ട് വീട്ടിൽ സിതിൻ (31) എന്നിവരാണ് അറസ്റ്റിലായത്. പ്രജീനയെ ഒരുമാസം മുമ്പ് കാണാതായതിനെ തുടർന്ന് ബന്ധുക്കൾ പള്ളിക്കൽ പൊലീസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് ചെന്നൈയിൽ നിന്നും ഇരുവരേയും പിടികൂടിയത്.