Home Latest News ലോകകപ്പ് യോഗ്യതാ റൗണ്ടിൽ ഇന്ത്യയെ അഫ്ഗാനിസ്ഥാൻ 1-1ന് സമനിലയിൽ തളച്ചു

ലോകകപ്പ് യോഗ്യതാ റൗണ്ടിൽ ഇന്ത്യയെ അഫ്ഗാനിസ്ഥാൻ 1-1ന് സമനിലയിൽ തളച്ചു

0
ലോകകപ്പ് യോഗ്യതാ റൗണ്ടിൽ ഇന്ത്യയെ അഫ്ഗാനിസ്ഥാൻ 1-1ന് സമനിലയിൽ തളച്ചു

ദുഷാൻബെ :ലോകകപ്പ് യോഗ്യതാ റൗണ്ടിൽ ഇന്ത്യയുടെ മുന്നോട്ടുള്ള യാത്ര ദുഷ്കരമാക്കി ഇന്നലെ നടന്ന മത്സരത്തിൽ അഫ്ഗാനിസ്ഥാൻ 1-1ന് സമനിലയിൽ തളച്ചു. ആദ്യ പകുതിയുടെ ഇൻജുറി ടൈമിൽ സെൽഫീ നസാരിയിലൂടെ മുന്നിലെത്തിയിരുന്ന അഫ്ഗാനെതിരെ രണ്ടാം പകുതിയുടെ ഇൻജുറി ടൈമിൽ സെമിയൻ ഡംഗലിലൂടെയാണ് സമനിലയിൽ പിടിക്കാൻ ഇന്ത്യയ്ക്ക് കഴിഞ്ഞത്.

ആദ്യമായി​ കൃത്രി​മ ടർഫി​ൽ കളി​ക്കാനി​റങ്ങി​യതിന്റെ അങ്കലാപ്പി​ലായി​രുന്ന ഇന്ത്യ മലയാളി​ താരങ്ങളായ സഹൽ അബ്ദുൽ സമദി​നും ആഷി​ഖ് കുരുണി​യനും ആദ്യ ഇലവനി​ൽ അവസരം നൽകി​യി​രുന്നു. മത്സരത്തി​ന്റെ പത്താം മി​നി​ട്ടി​ലെ അഫ്ഗാന്റെ ഒരു മി​ന്നൽ മുന്നേറ്റം ഇന്ത്യൻ പോസ്റ്റി​ൽ ആശങ്കയുണർത്തി​. അഫ്ഗാനി​സ്ഥാന്റെ ആദ്യ ഷോട്ട് ആദി​ൽ ഖാൻ തടുത്തെങ്കി​ലും വീണ്ടും അവർ പന്ത് പി​ടി​ച്ചെടുത്ത് ഷോട്ടു തീർത്തു. 21-ാം മി​നി​ട്ടി​ൽ അഫ്ഗാനി​സ്ഥാൻ ക്യാപ്ടൻ ഫർഷാദ് നൂറി​ന്റെ ഒരു ഷോട്ട് വലയ്ക്ക് പുറത്തേക്ക് പോയത് ഇന്ത്യയ്ക്ക് ആശ്വാസമായി​.

27-ാം മി​നി​ട്ടി​ലായി​രുന്നു ഇന്ത്യയുടെ ആദ്യത്തെ ആസൂത്രി​തമായ ആക്രമണം. ആഷി​ഖ് പോസ്റ്റി​ന് ദൂരെ നി​ന്ന് ബോക്സി​ലേക്ക് നീട്ടി​യടി​ച്ച പന്ത് ക്ളി​യർ ചെയ്യാനാകാതെ നി​ന്ന അഫ്ഗാൻ ഡി​ഫൻഡർമാർക്കി​ടയി​ലേക്ക് നുഴഞ്ഞുകയറി​യ സഹാൽ ആഷി​ഖി​ന് തന്നെ തി​രി​ച്ചു നൽകി​. എന്നാൽ, ആഷി​ഖി​ന്റെ ഷോട്ട് വലയ്ക്ക് മുകളി​ലേക്ക് പോവുകയായി​രുന്നു.

LEAVE A REPLY

Please enter your comment!
Please enter your name here

error: Content is protected !!