കൊറോണയെ പ്രതിരോധിക്കാൻ മാസ്ക്കിട്ട് ഡാൻസ് കളിച്ച് കേരള പൊലീസ്( വീഡിയോ)

തിരുവനന്തപുരം: കൊറോണ ബോധവത്കരണത്തിന്റെ ഭാഗമായി മാസ്ക് ധരിച്ചു ഡാൻസ് കളിച്ച് കേരള പൊലീസ്. സംസ്ഥാന സർക്കാരിന്റെ ‘ബ്രേക്ക് ദ ചെയിൻ’ ക്യാംപെയിനിന്റെ ഭാഗമായാണ് തങ്ങൾ ഡാൻസ് ചെയ്യുന്നതിന്റെ വീഡിയോ പൊലീസ് പുറത്തുവിട്ടത്. കൊറോണാക്കാലത്ത് കൈ കഴുകേണ്ട ആവശ്യകതയെ പറ്റിയും അത് ചെയ്യേണ്ടുന്ന വിധത്തെപ്പറ്റിയുമാണ് വീഡിയോയിലൂടെ ഡാൻസ് കളിച്ചുകൊണ്ട് പൊലീസുകാർ വിശദീകരിക്കുന്നത്. ‘അയ്യപ്പനും കോശിയും’ എന്ന സിനിമയിലെ ‘കലക്കാത്ത സന്ദനമേ…’ എന്ന ഗാനത്തിനാണ് ഇവർ ചുവടുവയ്ക്കുന്നത്. അപ്‌ലോഡ് ചെയ്ത് നിമിഷങ്ങൾക്കകം തന്നെ വൈറലായി മാറിയ ഈ വീഡിയോ സോഷ്യൽ മീഡിയ ഏറ്റെടുത്തുകഴിഞ്ഞു. സംസ്ഥാന പൊലീസ് മീഡിയ സെന്ററിന്റെ ഫേസ്ബുക്ക് പേജിലാണ് വീഡിയോ അപ്പ്ലോഡ് ചെയ്തിരിക്കുന്നത്.