ശ്രീ സത്യ സായി ഓർഫനേജ് ട്രസ്റ്റ് – കേരള കോവിഡ് – 19 ന്റെ ഭാഗമായി മെഡിക്കൽ കോളേജിലെ ആരോഗ്യ പ്രവർത്തകർക്കായി പന്ത്രണ്ടാം പദ്ധതിയായ സായി ഹസ്ത ആരംഭിച്ചു. ബഹു മന്ത്രി. ശ്രീ. കടകംപള്ളി സുരേന്ദ്രൻ ഫ്ലാഗ് ഓഫ് ചെയ്തു.
കോവിഡ് – 19 ന്റെ ഭാഗമായി ട്രസ്റ്റിന്റെ പന്ത്രണ്ടാം പദ്ധതിയായ സായി ഹസ്ത യിലൂടെ തിരുവനന്തപുരം മെഡിക്കൽ കോളേജിലെ ആരോഗ്യ പ്രവർത്തകർക്കായി സായിഗ്രാമം ബസ്സുകൾ ഇന്നുമുതൽ സൗജന്യമായി സർവീസ് നടത്തുന്നു. ഇതിന്റെ ഫ്ലാഗ്ഓഫ് ബഹു മന്ത്രി ശ്രീ കടകംപള്ളി സുരേന്ദ്രൻ നിർവഹിച്ചു. ചടങ്ങിൽ ട്രസ്റ്റ് ഡയറക്ടർ ബോർഡ് മെമ്പർ ശ്രീ. ശ്രീ കാന്ത്‌ പി കൃഷ്ണൻ പങ്കെടുത്തു. അഞ്ചു ബസുകളാണ് ആരോഗ്യ പ്രവർത്തകരുടെ യാത്രാ സൗകര്യത്തിനായി ശ്രീ സത്യ സായി ഓർഫനേജ് ട്രസ്റ്റ് കേരള നൽകാൻ ഉദ്ദേശിക്കുന്നത്. ഇപ്പോൾ രണ്ട് ബസുകൾ സേവനം നടത്തി വരുന്നു ബാക്കിയുള്ള മൂന്ന് ബസ്സുകൾ തുടർന്നുള്ള ദിവസങ്ങളിൽ ഓടിത്തുടങ്ങും എന്ന് ട്രസ്റ്റ് ഫൗണ്ടർ &എക്സിക്യൂട്ടീവ് ഡയറക്ടർ ശ്രീ. കെ. എൻ ആനന്ദകുമാർ അറിയിച്ചു.
1. 25000 ഭക്ഷണപ്പൊതികൾ വിതരണം ചെയ്തു.
2. സായി ഗ്രാമത്തിൽ നിന്നും എല്ലാ ദിവസവും 500 പൊതിഭക്ഷണം സായി ഗ്രാമത്തിലെ വണ്ടിയിൽ തിരുവനന്തപുരം സിറ്റിയിലും ചിറയിൻകീഴുമെത്തിച്ചു സായി ഗ്രാമത്തിലെ സേവാദൾ മുഖേന എല്ലാവർക്കും വിതരണം ചെയ്തു.
3. ഏകദേശം അഞ്ചു ജില്ലകളിലായി മിൽമ യുമായി ചേർന്ന് 4000 പോലീസുകാർക്ക് അമ്പതിനായിരം സംഭാരം എത്തിച്ചുകൊടുത്തു. തിരുവനന്തപുരം, കൊല്ലം, ആലപ്പുഴ, എറണാകുളം, കണ്ണൂർ എന്നീ ജില്ലകളിൽ ഈ പദ്ധതി നടപ്പിലാക്കി.
4.പത്മനാഭസ്വാമിക്ഷേത്രത്തിലെ അസിസ്റ്റന്റ് കമ്മീഷണർ ശ്രീ. ഗോപൻ ആവശ്യപ്പെട്ടപ്രകാരം ആദ്യം 400 മാസ്കും അവിടെ അയല്പക്കത്തുള്ള പാവപ്പെട്ട ആളുകൾക്ക് ഭക്ഷണപ്പൊതി വിതരണവും ചെയ്തു.
5. കണ്ണൂർ ജില്ലയിലെ സായി ട്രസ്റ്റിന്റെ സ്വന്തം കെട്ടിടത്തിൽ നടന്നുവരുന്ന സായി ക്ലിനിക് ആവശ്യഘട്ടത്തിൽ കോവിഡ് ന്റെ ഐസൊലേഷൻ വാർഡിനു വേണ്ടി ഗവൺമെന്റ് ഏൽപ്പിക്കാം എന്ന് ബഹുമാനപ്പെട്ട ആരോഗ്യമന്ത്രിയെ രേഖാമൂലം അറിയിച്ചു.
6. കാസർഗോഡ് ജില്ലയിലെ എൻമകജെ ഗ്രാമപഞ്ചായത്ത് പ്രസിഡന്റും, ഹെൽത്ത് ഇൻസ്പെക്ടറും, ജില്ലാ കളക്ടറും ആവശ്യപ്പെട്ടതു പ്രകാരം എൻമകജെ പഞ്ചായത്തിൽ എൻഡോസൾഫാൻ ബാധിതർക്ക് വേണ്ടി നിർമ്മിച്ച 36 വീടുകൾ കോവിഡ് ഐസൊലേഷൻ വേണ്ടി ഗവൺമെന്റിനെ ഏൽപ്പിച്ചു.
7. സായി ഗ്രാമത്തിലെ സൈക്കോളജിസ്റ് അരവിന്ദ് ലൂടെ ടെലിഫോൺ കൗൺസിലിംഗ് ആരംഭിച്ചു. ഒരുപാട് ആളുകൾക്ക് അതിലൂടെ ഗുണമുണ്ടായി.
8. ഒരു ലക്ഷം സ്ക്വയർ ഫീറ്റ് സ്കൂൾ-കോളേജ് കെട്ടിടങ്ങൾ ഐസൊലേഷൻ ഹോസ്റ്റൽ ആക്കാൻ തയ്യാറാക്കുന്നു.
9. ഹരിപ്പാട് നഗരസഭ കമ്മ്യൂണിറ്റി കിച്ചന് ആവശ്യമുള്ള സാധനങ്ങൾ നഗരസഭ ആവശ്യപ്പെട്ടത് പ്രകാരം എത്തിച്ചു കൊടുത്തു.
10. 15,000 മാസ്കുകൾ ടെസ്റ്റിംഗ് സെന്ററുകൾ വഴി ഉണ്ടാക്കി വിതരണം ചെയ്തു കൊണ്ടിരിക്കുന്നു.
11. സായി കാരുണ്യം പദ്ധതി.
ഇവയെല്ലാം ഉൾപ്പെടെ 12 ഓളം പദ്ധതികൾ കോവിഡ് – 19 ന്റെ ഭാഗമായി ശ്രീ സത്യ സായി ഓർഫനേജ് ട്രസ്റ്റ് -കേരള നടപ്പിലാക്കി കഴിഞ്ഞു
