മലയാളികൾ ഉൾപെടുന്ന നാവികരുമയുള്ള ആശയ വിനിമയം നഷ്ടപെട്ടു. ദുരൂഹത വർധിക്കുന്നു.

മലയാളികൾ ഉൾപെടുന്ന നാവികരുമയുള്ള ആശയ വിനിമയം നഷ്ടപെട്ടു. ദുരൂഹത വർധിക്കുന്നു. ഗിനിയിൽ തടഞ്ഞുവച്ചിരുന്ന ക്രൂഡ് ഓയിൽ ടാങ്കറിലെ നാവികർ ഇനിയും നൈജീരിയയിൽ എത്തിയിട്ടില്ലെന്നു സൂചന. അതേസമയം, കപ്പലിന്റെ ഉടമകളും അഭിഭാഷകരും ഇതിനോടകം നൈജീരിയയിൽ എത്തിച്ചേർന്നിട്ടുണ്ടെന്ന വിവരം ബന്ധുക്കൾക്കു ലഭിച്ചു. നൈജീരിയൻ അംബാസഡർ കപ്പലിൽ എത്തുന്നുണ്ടെന്നും സൂചനയുണ്ട്.

നൈജീരിയൻ നാവിക സേനയ്ക്കു കൈമാറിയ ശേഷം നാവികരുമായി ബന്ധപ്പെടാൻ ബന്ധുക്കൾക്കു സാധിച്ചിട്ടില്ല. കഴിഞ്ഞ ദിവസം ഇവരുടെ ഫോണുകൾ പിടിച്ചെടുത്തിട്ടുണ്ടെന്നാണു നിഗമനം. നാവികരെ കൊണ്ടുപോയതു നൈജീരിയയിലെ ബോണി തുറമുഖത്തേക്കാണെന്നു വിവരം ലഭിച്ചിട്ടുണ്ട്. കപ്പൽ ജീവനക്കാരെ നൈജീരിയയിൽ എത്തിച്ച ശേഷമാകും ഏതൊക്കെ കുറ്റങ്ങൾ ചുമത്തി വിചാരണ ചെയ്യുമെന്ന തീരുമാനം ഉണ്ടാവുക.

ജീവനക്കാരെ നാട്ടിലെത്തിക്കാൻ നൈജീരിയയിലെ ഇന്ത്യൻ എംബസി മുഖേന വിദേശകാര്യ വകുപ്പ് ശ്രമിക്കുന്നുണ്ടെങ്കിലും ഇക്കാര്യത്തിൽ പുരോഗതിയില്ല. ജീവനക്കാരെ സന്ദർശിക്കാനുള്ള അനുമതി ഇനിയും ഇന്ത്യൻ എംബസി ഉദ്യോഗസ്ഥർക്കു ലഭിച്ചിട്ടില്ല. ജീവനക്കാരെ വിചാരണ ചെയ്യണമെന്ന വാശിയിലാണു നൈജീരിയൻ അധികൃതർ.