അഞ്ചരക്കണ്ടി ദന്തല് കോളജ് വിദ്യാർഥി നിതിൻ രാജിന്റെ മരണത്തില് പ്രതിഷേധിച്ച് ആക്ഷൻ കൗണ്സില് ചൊവ്വാഴ്ച ഹർത്താല് ആചരിക്കും.രാവിലെ ആറു മുതല് വൈകുന്നേരം ആറു വരെയാണ് ഹർത്താല്.
അവശ്യ സർവീസുകളെ ഹർത്താലില് നിന്ന് ഒഴിവാക്കിയിട്ടുണ്ടെന്ന് ഭാരവാഹികള് പറഞ്ഞു. 52 ദളിത് സംഘടനകള് ചേർന്നാണ് സംസ്ഥാന വ്യാപകമായി ഹർത്താല് പ്രഖ്യാപിച്ചിരിക്കുന്നത്. നിതിൻ രാജിന്റെ മരണത്തില് സംസ്ഥാന തലത്തില് പ്രക്ഷോഭം വ്യാപിക്കുന്നതിന്റെ ഭാഗമായാണ് ഹർത്താല്.
ഹർത്താലിന് മുന്നോടിയായി ആക്ഷൻ കൗണ്സില് ഇന്ന് വൈകുന്നേരം പ്രതിഷേധ സംഗമവും സംഘടിപ്പിച്ചിട്ടുണ്ട്. പോലീസ് അന്വേഷണത്തില് വിശ്വാസമില്ലെന്നും കേസ് സ്വതന്ത്ര ഏജൻസിക്ക് കൈമാറണമെന്നും നേതാക്കള് പറഞ്ഞു.