നാലാഞ്ചിറയില് കുടുംബവഴക്കിനെ തുടര്ന്ന് വീട്ടമ്മയെ ഭര്ത്താവ് കഴുത്തറുത്ത് കൊലപ്പെടുത്തി. ഹസീന ബീവി (36) ആണ് കൊല്ലപ്പെട്ടത്.കൃത്യത്തിന് ശേഷം ഒളിവില് പോയ ഭര്ത്താവ് സുരേഷിനായി (46) മണ്ണന്തല പൊലിസ് അന്വേഷണം ആരംഭിച്ചു. തങ്ങളുടെ നാല് മക്കളുടെ മുന്നില് വച്ചായിരുന്നു ഈ ക്രൂരകൃത്യം നടന്നത്. ദമ്പതികള് തമ്മില് മുമ്പും നിരന്തരം തര്ക്കങ്ങളുണ്ടായിരുന്നു.
കഴിഞ്ഞ ദിവസവും ഇരുവരും തമ്മില് കടുത്ത വാക്കുതര്ക്കമുണ്ടാവുകയും ഹസീന മണ്ണന്തല പൊലിസ് സ്റ്റേഷനില് പരാതി നല്കുകയും ചെയ്തിരുന്നു. സ്റ്റേഷനില് നിന്നും മടങ്ങിയെത്തിയ ശേഷവും തര്ക്കം തുടരുകയും പ്രകോപിതനായ സുരേഷ് കറിക്കത്തി ഉപയോഗിച്ച് ഹസീനയുടെ കഴുത്തറുക്കുകയുമായിരുന്നു. സംഭവത്തിന് ശേഷം പ്രതി കാറില് രക്ഷപ്പെട്ടു.
മാതാപിതാക്കള് തമ്മിലുള്ള വഴക്ക് കൊലപാതകത്തില് കലാശിച്ചതോടെ മൂത്ത മകളാണ് വിവരം പൊലിസില് അറിയിച്ചത്. നാലാഞ്ചിറയിലെ വാടകവീട്ടില് കഴിഞ്ഞ നാല് മാസമായി താമസിച്ചുവരുകയായിരുന്നു ഈ കുടുംബം. ഒളിവില് പോയ പ്രതിക്കായി മണ്ണന്തല പൊലിസ് അന്വേഷണം ഊര്ജ്ജിതമാക്കിയിട്ടുണ്ട്