ആറ്റിങ്ങൽ: ജയന്തി ജി രചിച്ച “ഹിമവാൻ്റെ മടിത്തട്ടിലൂടെ” എന്ന പുതിയ പുസ്തകത്തിൻ്റെ കവർ പ്രകാശനം നടന്നു. സംസ്ഥാന സഹകരണ വകുപ്പ് മന്ത്രി എം. ലിജു, അബിൻ വർക്കി എം.എൽ.എയ്ക്ക് പുസ്തകത്തിന്റെ കവർ കൈമാറി പ്രകാശനം നിർവ്വഹിച്ചു.
ചിറയിൻകീഴ് താലൂക്ക് ടൂറിസം സൊസൈറ്റിക്ക് കീഴിലുള്ള ‘സിറ്റ്‌കോ ബുക്സ്’ ആണ് പുസ്തകം പ്രസിദ്ധീകരിച്ചിരിക്കുന്നത്. യാത്രാസാഹിത്യ ലോകത്ത് വലിയ ശ്രദ്ധ നേടുമെന്ന് പ്രതീക്ഷിക്കുന്ന ഈ പുസ്തകം, ഹിമാലയൻ യാത്രകളുടെ അപൂർവ്വവും ആത്മീയവുമായ അനുഭവങ്ങളാണ് വായനക്കാരിലേക്ക് എത്തിക്കുന്നത്.
യാത്രകളും ഹിമാലയൻ അനുഭവങ്ങളും
യാത്രകൾ വെറുമൊരു വിനോദത്തിനപ്പുറം മനുഷ്യനെ മാനസികമായും ആത്മീയമായും വളർത്തുന്ന അനുഭവമാണ്. വിശാലമായ കാഴ്ചപ്പാടുകളും പുതിയ തിരിച്ചറിവുകളും സമ്മാനിക്കുന്ന ഇത്തരം യാത്രകളിൽ ഹിമാലയൻ മലനിരകൾക്ക് പ്രത്യേക സ്ഥാനമാണുള്ളത്. പ്രകൃതിയുടെ മഹാകാന്തിയും മൗനവും ഒരേപോലെ സംഗമിക്കുന്ന ഹിമാലയൻ യാത്രകൾ സഞ്ചാരികൾക്ക് സമാനതകളില്ലാത്ത മനഃശാന്തിയും വ്യക്തിപരമായ വളർച്ചയും നൽകുന്നു. ആധുനിക ജീവിതത്തിൻ്റെ തിരക്കുകളിൽ നിന്നും ഡിജിറ്റൽ ലോകത്തു നിന്നും മാറി പ്രകൃതിയോട് നേരിട്ട് സംവദിക്കാനും തദ്ദേശീയ സംസ്കാരങ്ങൾ അടുത്തറിയാനും ഇത്തരം യാത്രാനുഭവങ്ങൾ വായനക്കാരെ സഹായിക്കും.
ചടങ്ങിൽ ചിറയിൻകീഴ് താലൂക്ക് ടൂറിസം സഹകരണസംഘം പ്രസിഡൻറ് ഇളമ്പ ഉണ്ണികൃഷ്ണൻ, മുൻ സിൻഡിക്കേറ്റ് അംഗം എം.എം. താഹ, സജിൻ തുടങ്ങിയവർ സന്നിഹിതരായിരുന്നു. ഹിമാലയത്തിൻ്റെ ആത്മാവിലേക്കും അവിടുത്തെ മനോഹരമായ കാഴ്ച്ചകളിലേക്കുമുള്ള കവാടമാണ് ഈ പുസ്തകമെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു.
2026 ജൂലൈ 26, ഞായറാഴ്ച ഉച്ചയ്ക്ക് 2.30 മുതൽ കിളിമാനൂർ രാജാരവിവർമ്മ സാംസ്കാരിക നിലയത്തിൽ വെച്ച് വിപുലമായ സാംസ്കാരിക പരിപാടിയും പുസ്തക പ്രകാശനവും നടക്കുമെന്ന് സംഘാടകർ അറിയിച്ചു. എല്ലാവരുടെയും സാന്നിധ്യം ഈ പരിപാടിയിലേക്ക് പ്രതീക്ഷിക്കുന്നതായി അവർ അഭ്യർത്ഥിച്ചു.
ചീഫ് താലൂക്ക് ടൂറിസം സഹകരണ സംഘം സെക്രട്ടറി ശ്രീ. രതീഷ് രവീന്ദ്രൻ സ്വാഗതം ആശംസിക്കുന്ന ചടങ്ങിന്, താലൂക്ക് ടൂറിസം സഹകരണ സംഘം പ്രസിഡന്റ് ശ്രീ. ഇലമ്പ ഉണ്ണിക്കൃഷ്ണൻ അധ്യക്ഷത വഹിക്കും. തിരുവനന്തപുരം ജില്ലാ പഞ്ചായത്ത് വൈസ് പ്രസിഡന്റ് ശ്രീ. ബി. പി. മുരളി ചടങ്ങ് ഔദ്യോഗികമായി ഉദ്ഘാടനം ചെയ്യും.
പ്രശസ്ത എഴുത്തുകാരനും കഥാകൃത്തും കേന്ദ്ര സാഹിത്യ അക്കാദമി അവാർഡ് ജേതാവുമായ ഡോ. എസ്. ആർ. ലാൽ ചടങ്ങിൽ വെച്ച് പുസ്തക പ്രകാശനം നിർവ്വഹിക്കും. അധ്യാപകനും എഴുത്തുകാരനുമായ ഡോ. ബി. എസ്. ബിനു പുസ്തകം ഏറ്റുവാങ്ങും. തുടർന്ന് അധ്യാപകനും സാംസ്കാരിക പ്രവർത്തകനുമായ ഡോ. ബാലചന്ദ്രൻ പുസ്തക അവതരണം നടത്തുന്നതാണ്.
കിളിമാനൂർ ഗ്രാമപഞ്ചായത്ത് പ്രസിഡന്റ് ശ്രീമതി. എസ്. ഷാജുമോൾ, ഗ്രാമപഞ്ചായത്ത് വൈസ് പ്രസിഡന്റ് ശ്രീ. കെ. ജി. പ്രിൻസ്, കിളിമാനൂർ കൊട്ടാരം ട്രസ്റ്റ് ജനറൽ സെക്രട്ടറി ശ്രീ. രാമവർമ്മ തമ്പുരാൻ, അധ്യാപികയും എഴുത്തുകാരിയും ആയ ശ്രീമതി. നീന ആറ്റിങ്ങൽ, വിദ്യാർത്ഥിയും യുവ എഴുത്തുകാരിയുമായ കുമാരി. നവ്യ ജെ. നായർ എന്നിവർ ചടങ്ങിലേക്ക് ആശംസകൾ അർപ്പിച്ച് സംസാരിക്കും.
ചടണിന്റെ ഭാഗമായി പത്രപ്രവർത്തകനും എഴുത്തുകാരനുമായ ശ്രീ. ബിനു വേലായുധൻ പ്രഭാഷണം നടത്തും. തുടർന്ന് പുസ്തക രചയിതാവ് ശ്രീമതി. ജയന്തി ജി മറുപടി പ്രസംഗം നിർവ്വഹിക്കും. റിട്ട. പ്രധാനാധ്യാപകൻ ശ്രീ. ശ്രീകുമാർ എസ് ചടങ്ങിന് നന്ദി രേഖപ്പെടുത്തും.
ഈ പ്രൗഢഗംഭീരമായ ചടങ്ങിലേക്ക് ഏവരുടെയും സഹകരണവും സജീവമായ പങ്കാളിത്തവും സംഘാടകർ സ്നേഹപൂർവ്വം ക്ഷണിക്കുന്നു.