തിരുവനന്തപുരം: റോഡിൽ എ ഐ ക്യാമറകൾ പ്രവർത്തിക്കുന്നതിന് കെൽട്രോണിന് നൽകാനുള്ള തുകയിൽ 9.39 കോടി രൂപ അനുവദിച്ച് സർക്കാർ ഉത്തരവായി. പദ്ധതി നടത്തിപ്പിനായി 23 കോടി രൂപയാണ് കെൽട്രോണിന് ഇതുവരെ ലഭിക്കാനുള്ളത്. തുക അനുവദിക്കാത്തതിനാൽ നിയമലംഘനങ്ങൾക്ക് ചെല്ലാൻ അയയ്ക്കുന്ന പ്രവർത്തനങ്ങൾ തടസപ്പെട്ടിരുന്നു. സാമ്പത്തിക പ്രതിസന്ധിയെ തുടർന്ന് 50 ജീവനക്കാർക്ക് ജോലി നഷ്ടമായിരുന്നു. പണം ലഭിച്ചതോടെ ഇവരെ തിരിച്ചെടുക്കും. ഗഡുക്കളായി നൽകേണ്ട തുകയുടെ ആദ്യ ഗഡുവാണ് അനുവദിച്ചത്.
