ബംഗളൂരു: തിരഞ്ഞെടുപ്പിന് മുന്നോടിയായി കോൺഗ്രസ് പ്രഖ്യാപിച്ച അഞ്ച് വാഗ്ദാനങ്ങൾക്ക് അംഗീകാരം നൽകി കർണാടക സർക്കാർ. ഇന്ന് ക്യാബിനറ്റ് യോഗം ചേർന്ന് ഈ അഞ്ച് വാഗ്ദാനങ്ങളെക്കുറിച്ചു ചർച്ച നടത്തിയെന്നും ഈ സാമ്പത്തിക വർഷത്തിൽ തന്നെ ഇവ നടപ്പിലാക്കുമെന്നും മുഖ്യമന്ത്രി സിദ്ധരാമയ്യ പറഞ്ഞു.
1. ഗൃഹ ജ്യോതി
ഒരു വീട്ടിൽ 200 യൂണിറ്റിൽ കുറവ് വെെദ്യുതിയാണ് ഉപയോഗിക്കുന്നതെങ്കിൽ അതിന് ബിൽ നൽകേണ്ടതില്ല. അതായാത് 200യൂണിറ്റ് വെെദ്യുതി സൗജന്യമായിരിക്കും.
2. ഗൃഹ ലക്ഷ്മി
ഓരോ കുടുംബത്തിലെയും സ്ത്രീയ്ക്ക് പ്രതിമാസം 2000 രൂപ നൽകുന്ന പദ്ധതിയാണ് ഇത്. ഇതിന് ബാങ്ക് അക്കൗണ്ടുകൾ ആധാറുമായി ബന്ധിപ്പിക്കേണ്ടതുണ്ട്. ജൂൺ 15 മുതൽ ജൂലായ് 15 വരെ വെരിഫിക്കേഷൻ പ്രക്രിയ ആരംഭിക്കും. ഓഗസ്റ്റ് 15 മുതല് പണം നല്കിത്തുടങ്ങും. ബി പി എൽ കാർഡ് ഉള്ളവർക്കാണ് ഈ പദ്ധതി.
3. അന്ന ഭാഗ്യ
ബി പി എൽ കുടുംബത്തിലെ ഓരോരുത്തർക്കും പത്ത് കിലോ അരി സൗജന്യമായി നൽകുന്നതാണ് അന്ന ഭാഗ്യ പദ്ധതി. മുൻപ് കോൺഗ്രസ് സർക്കാർ ഏഴ് കിലോ അരി സൗജന്യമായി നൽകിയിരുന്നു. ഇത് ബി ജെ പി സർക്കാർ അഞ്ച് കിലോയായി കുറച്ചിരുന്നു. ജൂലായ് ഒന്ന് മുതൽ അരി നൽകി തുടങ്ങും.
4. ഉചിത പ്രയാണ പദ്ധതി
ജൂൺ 11മുതൽ സർക്കാർ ബസുകളിൽ സംസ്ഥാനത്തെ സ്ത്രീകള്ക്ക് സൗജന്യമായി യാത്ര ചെയ്യാം. കർണാടക സ്റ്റേറ്റ് ട്രാൻസ്പോർട്ട് കോർപ്പറേഷന്റെ ബസുകളിൽ 50 ശതമാനം സീറ്റുകൾ പുരുഷന്മാർക്കായി സംവരണം ചെയ്യും.
5.യുവനിധി
ബിരുദം കഴിഞ്ഞ് ആറ് മാസത്തിന് ശേഷവും തൊഴിൽ ലഭിക്കാത്ത യുവാക്കൾക്ക് മാസം തോറും 3000 രൂപ നൽകുന്ന പദ്ധതി. തൊഴില് രഹിതരായ ഡിപ്ലോമക്കാര്ക്ക് 1500 രൂപ
