മുംബൈ-പൂനെ എക്‌സ്‌പ്രസ്‌വേയിൽ റായ്‌ഗഡ് ജില്ലയിലെ ഖോപോളിക്ക് സമീപം അപകടം. നിയന്ത്രണംവിട്ട ട്രക്ക് 12 വാഹനങ്ങളിലിടിച്ച് ആറ് പേർക്ക് പരുക്കേറ്റതായി റിപ്പോർട്ട്. പൊലീസ് സ്ഥലത്തെത്തി പരുക്കേറ്റവരെ ആശുപത്രിയിലെത്തിച്ചു.
ആരുടെയും നില ഗുരുതരമല്ല. അപകടത്തെത്തുടർന്ന് മുംബൈയിലേക്കുള്ള വാഹനഗതാഗതം തടസപ്പെട്ടു. നിയന്ത്രണം നഷ്ടമായ ട്രക്ക് ആദ്യം തൊട്ടുമുന്നിലുണ്ടായിരുന്ന ഒരു കാറില്‍ ഇടിച്ചു. ശേഷം ഒന്നിനുപിറകേ ഒന്നായി റോഡിലുള്ള വാഹനങ്ങളിലേക്ക് ഇടിച്ചുകയറുകയായിരുന്നു. പന്ത്രണ്ടോളം വാഹനങ്ങളില്‍ ഇടിച്ച ശേഷമാണ് ട്രക്ക് നിന്നത്.
