ചമ്പക്കുളം പഞ്ചായത്തിലെ സിഡിഎസ് പ്രവർത്തകർ തുഴഞ്ഞ കാട്ടിൽതേക്കിതിൽ വള്ളമാണ് അപകടത്തിൽപ്പെട്ടത്. ഒരേസമയം രണ്ടു മത്സരങ്ങൾ നടക്കുന്നതിനിടെ വനിതകൾ തുഴഞ്ഞ വള്ളം മറിയുകയായിരുന്നു. അപകടത്തിൽപ്പെട്ട മുഴുവൻ പേരെയും രക്ഷപ്പെടുത്തി. സംഭവത്തെ തുടർന്ന് മറ്റു മത്സരങ്ങൾ താൽക്കാലികമായി നിർത്തിവെക്കാൻ ജില്ലാ കളക്ടർ നിർദേശം നൽകി.
വനിതകളുടെ ഫൈനൽ മത്സരം പൂർത്തിയാകും മുൻപ് ചുണ്ടൻ വള്ളങ്ങളുടെ ലൂസേഴ്സ് ഫൈനൽ നടത്തിയതാണ് അപകടത്തിന് ഇടയാക്കിയത്. ചുണ്ടൻ വള്ളങ്ങളുടെ വരവിനെ തുടർന്നുണ്ടായ ഓളം മൂലം വനിതകൾ തുഴഞ്ഞ തെക്കനോടി ഇനം വള്ളം കീഴ്മേൽ മറിയുകയായിരുന്നു.