അഞ്ചുതെങ്ങ് മുതലപ്പൊഴിയിൽ മത്സ്യബന്ധന വള്ളം
മറിഞ്ഞ് തൊഴിലാളി മരണപെട്ടു . അഞ്ചുതെങ്ങ്
മാമ്പള്ളി പുതുമണൽ പുരയിടത്തിൽ വിക്ടർ തോമസ് ആണ് മരിച്ചത്. മത്സ്യബന്ധനം കഴിഞ്ഞ് വരുന്ന സമയത്തു അഴിമുഖത്തുണ്ടായ ശക്തമായ തിരയിൽപ്പെട്ട് വള്ളം തലകീഴായി മറിയുകയായിരുന്നു.അർദ്ധരാത്രി ഒന്നരയോടെയായിരുന്നു അപകടം.വികടറിനൊപ്പം വള്ളത്തിലുണ്ടായിരുന്ന മൂന്ന് തൊഴിലാളികൾ രക്ഷപ്പെട്ടു, അഞ്ചുതെങ്ങ് തോണിക്കടവ് സ്വദേശി ജോബോയുടെ
ഉടമസ്ഥതയിലുള്ള വള്ളമാണ് മറിഞ്ഞത്. അപകടസമയത്ത് മത്സ്യത്തൊഴിലാളികൾ
നടത്തിയ തെരച്ചിലാണ് വിക്ടറിനെ കണ്ടെത്തിയത്.
മൃതദേഹം ചിറയിൻകീഴ് താലൂക്കാശുപത്രിയിലേക്ക് മാറ്റി.
