കഞ്ചാവ് ചെടി നട്ടുവളർത്തിയ കേസിൽ യുവാവ് യുവാവ് അറസ്റ്റിൽ. വീട്ടുമുറ്റത്താണ് 24 കാരൻ കഞ്ചാവ് ചെടി നട്ടുവളർത്തിയത്. കുത്തിയതോട് പഞ്ചായത്ത് പത്താം വാർഡിൽ ചാലാപ്പള്ളി വീട്ടിൽ ഷാരൂണിനെ പോലീസ് കഞ്ചാവ് വളർത്തിയ കേസിൽ അറസ്റ്റ് ചെയ്തു.
ഷാരൂൺ പ്ലാസ്റ്റിക് ചാക്കിലാണ് കഞ്ചാവ് ചെടി നട്ടു വളർത്തിയത്. കൃഷിയിൽ തീരെ താത്‌പര്യമില്ലാതിരുന്ന ഷാരൂണിന്‍റെ പെട്ടന്നുണ്ടായ കൃഷി താത്‌പര്യം കണ്ട് അമ്മക്ക് അത്ഭുതം തോന്നി. മകൻ സ്ഥിരമായി ചെടിക്ക് വെള്ളമൊഴിക്കുന്നതും അമ്മ ശ്രദ്ധിച്ചു. അമ്മ ചോദിച്ചപ്പോൾ അത് ജമന്തി ചെടിയാണ് എന്നായിരുന്നു ഷാരൂിന്‍റെ മറുപടി.
ഷാരൂൺ കഞ്ചാവ് ചെടി വളർത്തുന്നതായി വാർഡിൽ ജനമൈത്രി ബീറ്റ് നടത്തിയിരുന്ന കുത്തിയതോട് പോലീസ് സ്റ്റേഷനിലെ സിവിൽ പോലീസ് ഓഫീസർമാരായ കെ.ആർ രതീഷിനും പ്രവീണിനും വിവരം ലഭിച്ചു. തുടർന്ന് ഇവർ ഷാരൂണിനെ സൂക്ഷ്‌മമായി നിരീക്ഷിച്ചു. 2016ൽ കുത്തിയതോട് പോലീസ് ഷാരൂനിനെ കഞ്ചാവ് ഉപയോഗിച്ചതിന് അറസ്റ്റ് ചെയ്തിരുന്നു.
കഞ്ചാവ് ചെടികൾ നനക്കുന്നതിനിടെ എസ്‌ഐ ഏലിയാസ് ജോർജിന്റെ നേതൃത്വത്തിലുള്ള പൊലീസാണ് ഷാരൂണിനെ പിടികൂടിയത്. കഞ്ചാവ് ഉപയോഗിക്കുന്നവരുടെയും വിതരണം ചെയ്യുന്നവരുടെയും പട്ടിക പൊലീസിന് ഷാരൂണിനെ ചോദ്യം ചെയ്തപ്പോൾ ലഭിച്ചു
