തെരുവ് നായ കുറുകെ ചാടി ഉണ്ടായ അപകടത്തില്‍ വയോധികന് ദാരുണാന്ത്യം. കോട്ടുകാല്‍ പുന്നവിള റോഡരികത്ത് മരിയൻ വില്ലയില്‍ എ ജോസ് (60) ആണ് മരണപ്പെട്ടത്.ജോസ് ബൈക്ക് അപകടത്തില്‍ പരുക്കേറ്റു ചികിത്സയിലിരിക്കെയാണ് മരണപ്പെട്ടത്. അപകടത്തില്‍ ജോസിന് തലക്ക് സഹിതം ഗുരുതര പരിക്കേറ്റിരുന്നു.
കഴിഞ്ഞ മാസം 27ന് ഉച്ചയ്ക്ക് ബൈക്കില്‍ വീട്ടിലേക്കു വരുമ്ബോള്‍ പുന്നവിള ഭാഗത്തു വച്ചു നായ പെട്ടെന്ന് കുറുകെ ചാടിയായിരുന്നു അപകടം. ആശുപത്രിയില്‍ ചികിത്സയിലിരിക്കെ ഇന്നലെ പുലർച്ചെയാണ് മരിച്ചത്. പുളിങ്കുടിയിലെ സ്വകാര്യ റിസോർട്ടിലെ മാനേജർ ആയിരുന്നു. സംസ്കാരം ഇന്ന് വൈകുന്നേരം അടിമലത്തുറ ഫാത്തിമ മാതാ പള്ളി സെമിത്തേരിയില്‍ നടക്കും. വിഴിഞ്ഞം പൊലീസ് കേസെടുത്തു.
പ്രദേശത്ത് തെരുവുനായ ശല്യം രൂക്ഷമെന്ന് നാട്ടുകാർ പറഞ്ഞു. ഇതിന് മുമ്ബും പല വാഹനങ്ങളും സമാന അപകടത്തില്‍ പെട്ടിട്ടും കാര്യമായ നടപടികള്‍ ഉണ്ടാകുന്നില്ല. സമീപത്തെ സ്കൂളിന് സമീപം കൂട്ടം കൂടി നില്‍ക്കുന്ന തെരുവു നായ്ക്കള്‍ വിദ്യാർഥികള്‍ക്കടക്കം ഭീഷണിയാണെന്നും നാട്ടുകാർ പറയുന്നു.
മറ്റൊരു സംഭവത്തില്‍ രണ്ടാഴ്ച മുൻപ് തെരുവ് നായ കുറുകെ ചാടിയതിനെ തുടർന്ന് ഓട്ടോ മറിഞ്ഞുണ്ടായ അപകടത്തില്‍ വിദ്യാർഥി മരണപ്പെട്ടിരുന്നു.