
രഞ്ജിത് വധക്കേസില് 11 പ്രതികള് കുറ്റക്കാരെന്ന് കോടതി കണ്ടെത്തി. തിരുവനന്തപുരം അഡീഷണല് സെഷൻസ് കോടതിയാണ് നിർണായകമായ പ്രഖ്യാപനം നടത്തിയത്.ശിക്ഷ ബുധനാഴ്ച പ്രഖ്യാപിക്കും. കേസിലാകെ 12 പ്രതികളായിരുന്നു ഉണ്ടായിരുന്നത്. ഇതില് ഒരാള് ഒളിവിലായതിനാല് വിചാരണ നേരിട്ടിരുന്നില്ല.
ആർഎസ്എസ് പ്രവർത്തകനായിരുന്ന രഞ്ജിത്തിനെ ഒരു സംഘം സിപിഎം പ്രവർത്തകർ രാഷ്ട്രീയ വിരോധം മൂലം കൊലപ്പെടുത്തിയെന്നാണ് കേസ്. 2008 ഒക്ടബോർ 17ന് പുലർച്ചെയാണ് കേസിനാസ്പദമായ സംഭവം. കോട്ടമുകളിലെ ബേക്കറിയില് രഞ്ജിത്ത് നില്ക്കവെ ആണ് രണ്ട് കാറിലും ബൈക്കിലുമായെത്തിയ പ്രതികള് ആക്രമണം നടത്തിയത്.
ക്രൈം ബ്രാഞ്ച് നടത്തിയ അന്വേഷണത്തില് കൊലപാതകത്തിന് പിന്നില് വലിയ ഗൂഢാലോചന നടന്നതായി കണ്ടെത്തിയിരുന്നു. ഗൂഢാലോചനയ്ക്ക് നേതൃത്വം നല്കിയ സിപിഎം പ്രാദേശിക നേതാക്കളെയും പ്രതിചേർത്തിരുന്നു. വിചാരണാ വേളയില് പ്രോസിക്യൂഷൻ സാക്ഷികളായിരുന്ന പൊലിസുകാർ കൂറുമായിരുന്നു.
