അതിവേഗം ഓടുന്ന വാഹനത്തിൽ നിന്ന് 10 മാസം പ്രായമുള്ള പെൺകുഞ്ഞിനെ വലിച്ചെറിഞ്ഞു. കുഞ്ഞിന്റെ അമ്മയെ കാബിലെ സഹയാത്രികർ ബലാത്സംഗം ചെയ്യുകയും യുവതി തടയാൻ ശ്രമിച്ചതിന് പിറകെ കുഞ്ഞിനെ വലിച്ചെറിയുകയുമായിരുന്നു. റോഡിൽ വീണ കുഞ്ഞ് തൽക്ഷണം മരിച്ചു. ശനിയാഴ്ച രാവിലെ മഹാരാഷ്ട്രയിലെ പാൽഘടിൽ മുംബൈ-അഹമ്മദാബാദ് ഹൈവേയിലാണ് സംഭവം. പെൽഹാർ മേഖലയിൽ നിന്ന് വാഡ ടെഹ്സിലിലുള്ള പൊഷെറിലേക്ക് പോവുകയായിരുന്നു കുഞ്ഞും അമ്മയും. ഇവർ മറ്റ് യാത്രക്കാർക്കൊപ്പം കാബ് ഷെയർ ചെയ്താണ് യാത്ര ചെയ്തിരുന്നതെന്ന് പൊലീസ് പറഞ്ഞു.
യാത്രക്കിടെ കാബ് ഡ്രൈവറും സഹയാത്രികളും യുവതിയെ ബലാത്സംഗം ചെയ്യുകയായിരുന്നു. യുവതി അക്രമികളെ പ്രതിരോധിച്ചപ്പോൾ അവർ കുഞ്ഞിനെ വലിച്ചെടുത്ത് കാബിനു പുറത്തേക്ക് വലിച്ചെറിഞ്ഞു. ഓടുന്ന കാബിൽ നിന്ന് പുറത്തേക്ക് വീണ കുഞ്ഞ് സംഭവ സ്ഥലത്തു തന്നെ മരിച്ചു. പിന്നീട് യുവതിയെയും കാബിനു പുറത്തേക്ക് തള്ളിയിട്ടു. പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചിട്ടുണ്ട്. സംഭവത്തിൽ കേസ് രജിസ്റ്റർ ചെയ്ത പൊലീസ് അന്വേഷണം ആരംഭിച്ചിട്ടുണ്ട്. പ്രതികളെ ആരെയും ഇതുവരെ തിരിച്ചറിഞ്ഞിട്ടില്ല.
iffk ഏറ്റെടുത്ത് യുവാക്കൾ, iffk ലഹരിയിൽ അനന്തപുരി
https://www.facebook.com/varthatrivandrumonline/videos/855609452526701
