37 വർഷത്തിനുശേഷം ഷാർജയിൽ പ്രകൃതിവാതക ശേഖരം കണ്ടെത്തി. മഹാനി വൺ പര്യവേക്ഷണക്കിണർ 14,597 അടി ആഴത്തിൽ കുഴിച്ചെത്തിയപ്പോഴാണ് പ്രകൃതിവാതകത്തിന്റെ വൻശേഖരം കണ്ടെത്തിയത്.ഇവിടെ പ്രതിദിനം 500 ലക്ഷം ഘനയടി വാതകം ഉത്പാദിപ്പിക്കാമെന്നാണ് പ്രതീക്ഷ. ഷാർജ നാഷണൽ ഓയൽ കോർപ്പറേഷനും (എസ്.എൻ.ഒ.സി.) ഇറ്റാലിയൻ പങ്കാളിയായ ഇ.എൻ.ഐ. യും ചേർന്നാണ് പുതിയ ശേഖരം കണ്ടെത്തിയത്.
ചരിത്രപരമായ ഈ കണ്ടെത്തൽ ഷാർജയുടെ സാമ്പത്തിക സ്രോതസ്സുകൾ മെച്ചപ്പെടുത്തുമെന്നും യു.എ.ഇ. യുടെ ഊർജ ആവശ്യങ്ങൾ നിറവേറ്റുമെന്നും ഷാർജ ഉപഭരണാധികാരിയും
ചരിത്രപരമായ ഈ കണ്ടെത്തൽ ഷാർജയുടെ സാമ്പത്തിക സ്രോതസ്സുകൾ മെച്ചപ്പെടുത്തുമെന്നും യു.എ.ഇ. യുടെ ഊർജ ആവശ്യങ്ങൾ നിറവേറ്റുമെന്നും ഷാർജ ഉപഭരണാധികാരിയും ഷാർജ ഓയിൽ കൌൺസിൽ ചെയര്മാന് ശൈഖ് അഹമ്മദ് ബിൻ സുൽത്താൻ അൽ കാസിമി പറഞ്ഞു.മഹാനി പര്യവേക്ഷണക്കിണർ കണ്ടെത്തൽ ഷാർജയെ ഒരു സുരക്ഷിത ആഗോള സാമ്പത്തിക മേഖലയായും പ്രദേശത്തെ പ്രധാന വാതക വിതരണ കേന്ദ്രമായും മാറ്റുമെന്ന് അദ്ദേഹം സൂചിപ്പിച്ചു.
കൂടുതൽ വിലയിരുത്തലിന്റെ അടിസ്ഥാനത്തിൽ മറ്റ് വിവരങ്ങൾ പുറത്തുവരുമെന്നാണ് പ്രതീക്ഷ. ഏരിയ ബി കൺസെഷനിൽ സ്ഥിതിചെയ്യുന്ന മഹാനി വൺ എസ്.എൻ.ഒ.സി. നടത്തുന്ന ആദ്യത്തെ പര്യവേഷണ കിണർ ആണ് ഇത്.ഏരിയ-ബിയുടെ ഓപ്പറേറ്ററായ എസ്.എൻ.ഒ.സി. യും എൻ.എൻ.ഐ. യും 2019-ന്റെ തുടക്കത്തിൽ ഒപ്പുവെച്ചകരാറിന്റെ അടിസ്ഥാനത്തിൽ 50 ശതമാനം ഓഹരി കൈവശംവെച്ചിട്ടുണ്ട്.ഷാർജ തീരപ്രദേശത്തുള്ള കൺസെഷൻ മേഖലകളായ എ.സി. എന്നിവയിലും രണ്ട് കമ്പനികളും പങ്കാളികളാണ്.
