പ്രായപൂർത്തിയാവാത്ത 3പെൺകുട്ടികളെ പീഡിപ്പിച്ച ആട്ടോഡ്രൈവർ അറസ്റ്റിൽ

പ്രായപൂർത്തിയാവാത്ത മൂന്ന് പെൺകുട്ടികളെ അശ്ലീലദൃശ്യം കാണിച്ച് പീഡിപ്പിച്ചുവെന്ന പരാതിയിൽ മദ്ധ്യവയസ്‌കനായ ആട്ടോറിക്ഷാ ഡ്രൈവറെ പൊലീസ് അറസ്റ്റുചെയ്തു.
കൊടക്കാട് പൊള്ളപൊയിലിലെ കോയിവീട്ടിൽ മുരളീധരനെയാണ് (50) ചീമേനി പൊലീസ് അറസ്റ്റുചെയ്തത്. ഏഴും മൂന്നും എട്ടും ക്ലാസുകളിൽ പഠിക്കുന്ന വിദ്യാർത്ഥിനികളെയാണ് ഇയാൾ പീഡനത്തിനിരയാക്കിയത്. ആട്ടോറിക്ഷയിൽ കയറ്റി മൊബൈൽ ഫോണിലെ അശ്ലീലദൃശ്യങ്ങൾ കാണിച്ചായിരുന്നു പീഡനം.
മൂന്നാംക്ലാസുകാരിയായ വിദ്യാർത്ഥിനി ഇക്കാര്യം വീട്ടിൽ അറിയിച്ചതിനെ തുടർന്ന് വീട്ടുകാർ ചൈൽഡ്‌ലൈൻ അധികൃതരെ വിവരം അറിയിക്കുകയായിരുന്നു. ഇവർ പെൺകുട്ടിയിൽ നിന്നും വിവരം ശേഖരിച്ചപ്പോഴാണ് മറ്റുരണ്ടുപേരെ കൂടി പീഡനത്തിനിരയാക്കിയതായി അറിഞ്ഞത്. തുടർന്ന് ചൈൽഡ്‌ലൈൻ അധികൃതരുടെ നിർദ്ദേശത്തെ തുടർന്ന് കുട്ടികളുടെ രക്ഷിതാക്കൾ പൊലീസിൽ പരാതിപ്പെടുകയായിരുന്നു