തിരുവനന്തപുരം ഇഞ്ചക്കലിൽ നിന്ന് വൻ മയക്കുമരുന്ന് വേട്ട സ്റ്റേറ്റ് എക്സൈസ് എൻഫോഴ്സ്മെൻറ് സ്ക്വാഡ് ഇന്ന് രാവിലെ പത്തരയോടെ അന്താരാഷ്ട്ര വിപണിയിൽ ഒരു കോടിയിലധികം വിലമതിക്കുന്ന 1.100 ലിറ്റർ ഹാഷിഷ് ഓയിലുമായി കോട്ടയം മേലുകാവ് സ്വദേശികളായസുധീഷ് (27) വയസ്സ് ജസ്റ്റിൻ പി മാത്യു (32) വയസ്സ് എന്നിവരെ അറസ്റ്റ് ചെയ്തു ആന്ധ്രപ്രദേശിലെ നഗരി പട്ടണത്തിൽ നിന്നും സ്ഥിരമായി ഹാഷിഷ് ഓയിൽ വാങ്ങി കൊച്ചി തിരുവന്തപുരം ഭാഗങ്ങളിൽ വിൽപ്പന നടത്തിയിരുന്ന ഇരുവരെയും ഒരു രഹസ്യവിവരത്തെ അടിസ്ഥാനത്തിലാണ് കഴിഞ്ഞ ഒരാഴ്ചക്കാലമായി നടത്തിയ നിരീക്ഷണത്തിനു ഒടുവിൽ സ്ക്വാഡ് പിടികൂടിയത്.
സുധീഷിനെതിരെ ബാംഗ്ലൂർ പോലീസിൽ മയക്കുമരുന്ന് കടത്തുമായി ബന്ധപ്പെട്ട് കേസുണ്ട്കൂടാതെ മറ്റു ക്രിമിനൽ കേസുകളിലും പ്രതികളാണ് ഇവർ.വെളിച്ചെണ്ണയുടെ ബ്രാൻഡഡ് കുപ്പികളിൽ നിറച്ച് സീൽ ചെയ്ത എണ്ണ എന്ന വ്യാജേനയാണ് പ്രതികൾ ഹാഷിഷ് ഓയിൽ കടത്തിയത്.
സ്റ്റേറ്റ് എക്സൈസ് എൻഫോഴ്സ്മെൻറ് സ്ക്വാഡിന്റെ ചുമതലയുള്ള തിരുവനന്തപുരം എക്സൈസ് എൻഫോഴ്സ്മെൻറ് ആൻറ്റി നാർക്കോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ ടി അനിൽകുമാറിനെ നേതൃത്വത്തിൽ നടന്ന റെയ്ഡിൽസർക്കിൾ ഇൻസ്പെക്ടർ ജീ കൃഷ്ണകുമാർ എക്സൈസ് ഇൻസ്പെക്ടർ ടി ആർ മുകേഷ് കുമാർ പ്രിവന്റീവ് ഓഫീസർമാരായ എസ് മധുസൂദനൻ നായർ,ഈ ഹരികുമാർ,എസ് ഷൈജു സിവിൽ എക്സൈസ് ഓഫീസർമാരായ ജസ്സിം ,സുബിൻ,രാജേഷ് ,ഷംനാദ്ശ്,ജിബിൻ,ശ്രീലാൽ എന്നിവർ പങ്കെടുത്തു.
