തിരുവനന്തപുരം: കേരളത്തില്‍ ഇന്ന് 12 പേര്‍ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന്‍ വാര്‍ത്താസമ്മേളനത്തില്‍ അറിയിച്ചു. രോഗം സ്ഥിരീകരിച്ചവരില്‍ അഞ്ച് പേര്‍ വിദേശികളാണ്. ആറ് പേര്‍ കാസര്‍കോഡുള്ളവരും, ഒരാള്‍ പാലക്കാട് സ്വദേശിയുമാണ്. ഇതോടെ സംസ്ഥാനത്ത് രോഗം സ്ഥിരീകിച്ചവരുടെ എണ്ണം 40 ആയി.സംസ്ഥാനത്തു സ്ഥിതി ഗുരുതരമാവുകയാണ്.കൊറോണ ജാഗ്രതയുടെ ഭാഗമായി പ്രധാനമന്ത്രി നിർദേശിച്ചപോലെ ഞായർആഴ്ച ജനകീയ കർഫ്യൂ വിജയിപ്പിക്കണം എന്ന് മുഖ്യമന്ത്രി ആവശ്യപ്പെട്ടു.അധ്യാപകർ നാളെ മുതൽ വരേണ്ടതില്ല ജനകീയ കർഫ്യൂ ദിനത്തിൽ കെ എസ് ആർ ടി സി സെർവീസുകൾ ഉണ്ടായിരിക്കുന്നതല്ല എന്നും അദ്ദേഹം കൂട്ടിച്ചേർത്തു.
കാസർകോട്ട് വിദേശത്ത് നിന്നും എത്തിയ ഒരാൾ നിയന്ത്രണം പാലിക്കാത്തതാണ് വിനയയായതെന്ന് മുഖ്യമന്ത്രി പറഞ്ഞു. കരിപ്പൂർ വിമാനത്താവളത്തിൽ നിന്നും കോഴിക്കോട് ഉൾപ്പെടെയുള്ള ഒരുപാട് സ്ഥലങ്ങളിൽ ഇയാൾ പോയിരുന്നു. പൊതുചടങ്ങുകളിലും സ്വകാര്യ ചടങ്ങിലും പങ്കെടുക്കാനും ഫുട്ബോൾ മത്സരം കാണാനും ഇയാൾ പോയി. സംസ്ഥാനത്ത് എം.എൽ.എമാർ ഐസൊലേഷനിൽ ആകാൻ കാരണവും ഈ വ്യക്തി തന്നെയാണെന്നും മുഖ്യമന്ത്രി പറഞ്ഞു.സംസ്ഥാനത്തെ സ്ഥിതിഗതികൾ [പ്രധാനമന്ത്രിയെ താൻ ധരിപ്പിച്ചുവെന്നും മുഖ്യമന്ത്രി പിണറായി വിജയൻ പറഞ്ഞു. സർക്കാർ ഓഫീസുകൾ ഒരാഴ്ച കാലത്തേക്ക് അടച്ചിടുമെന്നും കടകൾ രാവിലെ 11 മുതൽ അഞ്ച് മണി വരെ മാത്രമേ തുറന്നിടാവുള്ളൂ എന്നും അദ്ദേഹം നിർദേശിച്ചു. സ്‌കൂൾ അദ്ധ്യാപകർ നാളെ മുതൽ സ്‌കൂളിൽ വരേണ്ടതില്ല. എല്ലാവരും അതീവ ശ്രദ്ധയും കരുതലും പുലർത്തണം. കൊറോണ രോഗത്തിന്റെ വ്യാപനം ഒരു ഘട്ടം കടന്നതായി സംശയിക്കുന്നു. മുഖ്യമന്ത്രി പറഞ്ഞു.
സർക്കാർ ഓഫീസുകൾ അഞ്ച് ദിവസം മാത്രമേ പ്രവർത്തിക്കുകയുള്ളൂ. ശനിയും ഞായറും സർക്കാർ ഓഫീസുകൾ പ്രവർത്തിക്കില്ല. പൊതുഗതാഗതം നിശ്ചലമാകുമെന്നും മെട്രോകളും ആരാധനാലയങ്ങളും അടച്ചിടുമെന്നും അദ്ദേഹം വ്യക്തമാക്കി. കാസർകോട് ജുമാ നമസ്കാരം ഒഴിവാക്കണം. സർക്കാർ നൽകുന്ന നിർദേശങ്ങൾ ചിലർ ഇപ്പോഴും പാലിക്കുന്നില്ല. പ്രധാനമന്ത്രിയുടെ നിർദ്ദേശം നടപ്പാക്കാൻ സംസ്ഥാന സർക്കാർ മുന്നിട്ടിറങ്ങും. ഞായറാഴ്ച സ്വന്തം വീടുകളുടെ പരിസരം ശുചീകരിക്കണം. അദ്ദേഹം പറഞ്ഞു
