Home Latest News വനം ആസ്ഥാനത്ത് പുതിയ സ്‌ട്രോംഗ് റൂം: ശിലാസ്ഥാപനം നടന്നു

വനം ആസ്ഥാനത്ത് പുതിയ സ്‌ട്രോംഗ് റൂം: ശിലാസ്ഥാപനം നടന്നു

0
വനം ആസ്ഥാനത്ത് പുതിയ സ്‌ട്രോംഗ്  റൂം: ശിലാസ്ഥാപനം നടന്നു

വനം വകുപ്പിന്റെ അധീനതയിലുള്ള ആനക്കൊമ്പുകള്‍, ചന്ദനത്തടികൾ, ചന്ദനത്തൈലം, ശില്പങ്ങള്‍, കുറ്റവാളികളില്‍ നിന്നും പിടിച്ചെടുത്ത തൊണ്ടിമുതലുകൾ ഉള്‍പ്പെടെയുള്ള വിലപിടിപ്പുള്ള സാധനങ്ങള്‍ സൂക്ഷിക്കുന്നതിനായി വഴുതക്കാട് വനം വകുപ്പ് ആസ്ഥാനത്ത് ആധുനിക രീതിയിലുള്ള സ്‌ട്രോംഗ് റൂം ഒരുങ്ങുന്നു. പദ്ധതിയുടെ ശിലാസ്ഥാപനം വനംവകുപ്പ് മന്ത്രി അഡ്വ കെ രാജു നിര്‍വ്വഹിച്ചു. ബാങ്ക് ലോക്കറിന് സമാനമായ രീതിയില്‍ കാലാനുസൃതമായ സവിശേഷതകളോടു കൂടിയ സ്‌ട്രോംഗ് റൂമാണ് നിര്‍മ്മിക്കാനുദ്ദേശിക്കുന്നതെന്ന് വനം മന്ത്രി പറഞ്ഞു. അന്‍പത്തി അഞ്ച് ലക്ഷം രൂപ ചെലവ് പ്രതീക്ഷിക്കുന്ന ഇതിന്റെ നിര്‍മ്മാണം ജൂണ്‍മാസത്തോടെ പൂര്‍ത്തിയാക്കാന്‍ നിര്‍ദ്ദേശം നല്‍കിയതായും അദ്ദേഹം അറിയിച്ചു.

വനം ആസ്ഥാനത്തെ വനശ്രീ മന്ദിരത്തിനുമുന്നില്‍ 96 ചത്രുരശ്രമീറ്റര്‍ വിസ്തീര്‍ണ്ണത്തിലാണ് സ്‌ട്രോംഗ് റൂം. പച്ച നിറത്തില്‍ കുമിളിന്റെ ആകൃതിയോടു കൂടിയ സ്‌ട്രോംഗ് റൂം പൂര്‍ണമായും കോണ്‍ക്രീറ്റിലാണ് നിര്‍മ്മിക്കുക. ശിലാസ്ഥാപന ചടങ്ങില്‍ മുഖ്യ വനം മേധാവി പി കെ കേശവന്‍, ചീഫ് വൈല്‍ഡ് ലൈഫ് വാര്‍ഡന്‍ സുരേന്ദ്രകുമാര്‍, പി സി സി എഫ്മാരായ ദേവേന്ദ്രകുമാര്‍ വര്‍മ്മ, ബെന്നിച്ചന്‍ തോമസ്, എ പി സി സി എഫ്മാരായ എസ് ഗോപാലകൃഷ്ണന്‍, ഇ. പ്രദീപ്കുമാര്‍, രാജേഷ് രവീന്ദ്രന്‍, സി സി എഫ് പത്മാ മൊഹന്തി, എസ്റ്റേറ്റ് ഓഫീസര്‍ ബി എന്‍ നാഗരാജ് തുടങ്ങിയവര്‍ സംബന്ധിച്ചു.

error: Content is protected !!