ന്യൂഡൽഹി: നിയമസഭ തിരഞ്ഞെടുപ്പിന് ഒരാഴ്ച മാത്രം ബാക്കി നിൽക്കെ കോൺഗ്രസ് ഡൽഹിയിൽ പ്രകടനപത്രിക പുറത്തിറക്കി. അധികാരത്തിലെത്തിയാൽ എൻ.ആർ.സിയും എൻ.പി.ആറും നടപ്പാക്കില്ല, ബസ് യാത്ര, വിദ്യാഭ്യാസം, വൈദ്യുതി തുടങ്ങിയവ സൗജന്യമാക്കും എന്നിവയടക്കം യുവാക്കളേയും കുടുംബങ്ങളേയും ഒരുപോലെ പരിഗണിക്കുന്ന പ്രകടനപത്രിക ഡൽഹി കോൺഗ്രസ് പ്രസിഡന്റ് സുഭാഷ് ചോപ്ര, ആനന്ദ് ശർമ, അജയ് മാക്കൻ എന്നിവർ ചേർന്നാണ് പുറത്തിറക്കിയത്.
പ്രധാന വാഗ്ദാനങ്ങൾപൗരത്വ നിയമത്തെ സുപ്രീംകോടതിയിൽ ചോദ്യം ചെയ്യും
- എൻ.ആർ.സിയും, എൻ.പി.ആറും ഡൽഹിയിൽ നടപ്പാക്കില്ല
- സ്ത്രീകൾക്ക് പുറമേ മുതിർന്ന പൗരന്മാർക്കും സൗജന്യ ബസ് യാത്ര
- പെൺകുട്ടികൾക്ക് നഴ്സറി മുതൽ പി.എച്ച്.ഡി വരെ സൗജന്യ വിദ്യാഭ്യാസം
- പ്രതിമാസം 20,000 ലിറ്റർ സൗജന്യ വെള്ളം
- എല്ലാവർക്കും 300 യൂണിറ്റ് വരെ സൗജന്യ വൈദ്യുതി
- ബിരുദധാരികൾക്കും (5,000 രൂപ) ബിരുദാനന്തര ബിരുദധാരികൾക്കും (7,500 രൂപ) തൊഴിലില്ലായ്മ വേതനം
- പ്രതിമാസം 5000 രൂപയുടെ വാർദ്ധക്യ പെൻഷൻ
- എയിംസ് മാതൃകയിൽ സൂപ്പർ സ്പെഷ്യാലിറ്റി ആശുപത്രികൾ
- മലിനീകരണം നിയന്ത്രിക്കാൻ ബഡ്ജറ്റിന്റെ 20 ശതമാനം
