വാഷിംഗ്ടണ്: അമേരിക്കന് പ്രസിഡന്റ് ഡോണള്ഡ് ട്രംപിനൊപ്പം ഭക്ഷണം കഴിച്ച ബ്രസീല് ഉന്നത ഉദ്യോഗസ്ഥന് കൊവിഡ് 19 സ്ഥിരീകരിച്ചു. ബ്രസീല് പ്രസിഡന്റ് ജയര് ബൊല്സാനാരോയുടെ കമ്മ്യൂണിക്കേഷന് സെക്രട്ടറി ഫാബിയോ വജ്ഗാര്ട്ടനാണ് കൊവിഡ് 19 സ്ഥിരീകരിച്ചത്. മാര് ലാഗോയില് നടന്ന ഡിന്നര് പാര്ട്ടിയില് ഇയാള് ട്രംപിനൊപ്പം ഭക്ഷണം കഴിച്ചതായാണ് റിപ്പോര്ട്ടുകള് പുറത്തുവന്നത്.
ബ്രസീല് പ്രസിഡന്റ് ബൊല്സാനാരോയും അത്താഴപാര്ട്ടിയില് പങ്കെടുത്തിരുന്നു. ഇവരെ കൂടാതെ ബ്രസീല് ഡിഫന്സ് മന്ത്രി അസെവെഡോ, വിദേശകാര്യ മന്ത്രി എണസ്റ്റോ അറൗജോ, വ്യവസായ സുരക്ഷ മന്ത്രി അഗസ്റ്റോ ഹെലോനോ എന്നിവരുമുണ്ടായിരുന്നു. ബ്രസീല് പ്രസിഡന്റ് ബൊല്സാനരോ ഔദ്യോഗിക യാത്രകളെല്ലാം ഒഴിവാക്കി വീട്ടില് കഴിയുകയാണ്. യുഎസ് പ്രസിഡന്റ് ആരോഗ്യ സംരക്ഷണത്തിനായി മുന്കരുതല് സ്വീകരിച്ചിട്ടുണ്ടെന്നും അദ്ദേഹത്തിന്റെ കൂടെയുള്ളവരുടെ ആരോഗ്യം സംരക്ഷിക്കുമെന്നും അധികൃതര് അറിയിച്ചു
