കേരള സർവകലാശാല കലോത്സവം 2020 “പലായനം ” ഇന്ന് ആരഭിക്കുന്നു.തിങ്കൾ മുതൽ അടുത്ത ശനിയാഴ്ച്ച വരെ നഗരത്തിലെ പല വേദികളിലായി മത്സരങ്ങൾ അരങ്ങേറും.ഏതാണ്ട് 250ഓളം കോളേജുകളിൽ നിന്നും അയ്യായ്യിരത്തിൽ പരം വിദ്യാർത്ഥികൾ മത്സരത്തിൽ പങ്കുചേരുന്നു.കാര്യവട്ടം ഗവണ്മെന്റ് കോളേജിൽ വച്ച് നടക്കുന്ന ചടങ്ങിൽ ബഹുമാനപെട്ട ഉന്നത വിദ്യാഭ്യാസ വകുപ്പ് മന്ത്രി കെ ടി ജലീൽ ഭദ്രദീപം കൊളുത്തി വൈകിട്ട് നാലു മണിക് ഉത്‌ഘാടന കർമം നിർവഹിക്കും.
വേദികൾ വിവിധ കാലയങ്ങളായി ഒരുക്കിയിരിക്കുന്നു ഗവണ്മെന്റ് കോളേജ് കാര്യവട്ടം,SN കോളേജ് ചെമ്പഴന്തി,യൂണിവേഴ്സിറ്റി ബിഎഡ് കോളേജ് ആഡിറ്റോറിയം തുടങ്ങിയവയാണ് പ്രധാന വേദികൾ.സംഘാടകർ ഇത്തവണ വേദികൾക് വളരെ വ്യത്യസ്‌തമായ പേരുകളാണ് നൽകിയിരിക്കുന്നത് രാജ്യത്തെ സമകാലീന സംഭവങ്ങളുമായി ബന്ധം പുലർത്തുന്ന ആർട്ടിക്കിൾ 14,ഷഹീൻ ബാഗ്,ഫാത്തിമ ലത്തീഫ് നഗർ,അലൻ കുർദി ,റോഹിൻഗ്യൻ,അഭിമന്യു നഗർ,അംബേദ്‌കർ നഗർ,അജയ് നഗർ,ഗൗരി ലങ്കേഷ് നഗർ എന്നിങ്ങനെ പോകുന്നു. ഇത്തവണ കലോത്സവത്തിന്റെ മറ്റൊരു പ്രത്യേകത ട്രാൻസ്‍ജിൻഡറുകൾക് മറ്റു വിദ്യാര്ഥികളോടൊപ്പം തന്നെ മത്സരിക്കാൻ ഉള്ള അവസരം ഒരുക്കുന്നു എന്നുള്ളതാണ്.കൂടാതെ മത്സരങ്ങളിൽ ഏറ്റവും കൂടുതൽ പോയിന്റ്കൾ നേടുന്ന വനിതാ കോളേജിന് പ്രത്യേക പുരസ്‌കാരം നൽകാനും തീരുമാനം ഉണ്ട്.
