കൊറോണ കാലത്തും ജനങ്ങളെ കൊള്ളയടിക്കുന്ന കേന്ദ്ര സർക്കാരിനെതിരെ യൂത്ത് കോൺഗ്രസ് ചക്രസ്തംഭന സമരം.

തിരുവനന്തപുരം ജില്ലയിലെ 14 നിയോജക മണ്ഡലം കേന്ദ്രങ്ങളിലും യൂത്ത് കോൺഗ്രസിൻ്റെ നേതൃത്വത്തിൽ ചക്രസ്തംഭന സമരം നടത്തി .കൊറോണ ജാഗ്രത പൂർണമായും പാലിച്ച് അദ്ധ്യക്ഷൻ, സ്വാഗതം, ഉത്ഘാടനം എന്നീ പതിവ് ശൈലിയില്ലാതെ വിത്യസ്തവും, ജാഗ്രതയോടും കൂടി ആൾക്കൂട്ടം ഒഴിവാക്കിയാണ് സമരം സംഘടിപ്പിച്ചത്.അന്താരാഷ്ട്ര വിപണിയിൽ ക്രൂഡോയിൽ വില താഴ്ന്നിട്ടും പെട്രോൾ ഡീസൽ വില കുത്തനെ കൂട്ടി ജനങ്ങളെ കൊള്ളയടിക്കുന്ന കേന്ദ്ര സർക്കാരിനെതിരെയാണ് യൂത്ത് കോൺഗ്രസ് സമരം നടത്തിയത്.കോവിഡ് 19 രാജ്യത്ത് പടർന്ന് പിടിക്കുമ്പോൾ ജനങ്ങളെ സഹായിക്കുന്നതിന് പകരം അവസരം മുതലാക്കി ജനദ്രോഹം നടത്തുന്ന സർക്കാർ കൊറോണ വൈറസിനെക്കാൾ അപകടകരമാണെന്ന് നേതാക്കൾ പറഞ്ഞു. സെക്രട്ടറിയേറ്റിന് മുൻവശത്ത് തിരുവനന്തപുരം അസംബ്ലി കമ്മിറ്റിയുടെ നേതൃത്വത്തിൽ നടന്ന പ്രതിഷേധത്തിൽ സംസ്ഥാന വൈസ് പ്രസിഡൻ്റ് കെ.എസ് ശബരീനാഥൻ MLA, എൻ.എസ്. നുസൂർ, എസ്.എം ബാലു.ജില്ലാ പ്രസിഡൻ്റ് സുധീർ ഷാ പാലോട്, KPCC എക്സിക്യുട്ടീവ് മെംബർ PS പ്രശാന്ത്, KSU നേതാക്കളായ എറിക് സ്റ്റീഫൻ, ശരത് , യൂത്ത് കോൺഗ്രസ് ജില്ലാ ജന.സെക്രട്ടറി അബീഷ് കുമാർ, അസംബ്ലി പ്രസിഡൻറ് കിരൺ ഡേവിഡ്, വൈസ് പ്രസിഡൻ്റ് സുരേഷ് സേവ്യർ എന്നിവർ നേതൃത്യം നൽകി.
രാവിലെ 11 മണി മുതൽ 11.05 വരെയാണ് ചക്ര സ്തംഭന സമരം നടന്നത്. ജില്ലയുടെ വിവിധ ഭാഗങ്ങളിൽ വെള്ളറട, നെയ്യാറ്റിൻകര, ബാലരാമപുരം, വെള്ളായണി, ശാസ്തമംഗലം, കഴക്കൂട്ടംബൈപ്പാസ്, ആര്യനാട്, കാട്ടാക്കട ,വെമ്പായം, കല്ലറ, കല്ലമ്പലം, ചിറയിൻകീഴ്, എന്നിവിടെയാണ് സമരം നടന്നത്.സംസ്ഥാന ജന:സെക്രട്ടറി നിനോ അലക്സ്, സെക്രട്ടറിമാരായ വിനോദ് കോട്ടുകാൽ, ഷജീർ നേമം, അരുൺ രാജൻ, നിയോജക മണ്ഡലം പ്രസിഡൻറ് മാരായ ജിഹാദ്, മനോജ്, യൂസഫ് കല്ലറ, സജാദ്, രാഹുൽ, ശ്യാംലാൽ, ബ്രഹ്മിൻ ചന്ദ്ര, റെജി ചെങ്കൽ, ജോയ്, വിപിൻ ലാൽ ,ഹരിശങ്കർ, അജിത് എന്നിവരുടെ നേതൃത്വത്തിലായിരിന്നു സമരം. കൊറോണ ഭീതി നിലനിൽക്കുമ്പോൾ ജനങ്ങളെ കൊള്ളയടിക്കുന്ന സർക്കാരിനെതിരെ അനിവാര്യമായ പ്രതീകാത്മക സമരമാണ് നടന്നതെന്നും വരും നാളുകളിൽ ശക്തമായ പ്രക്ഷോഭങ്ങൾക്ക് യൂത്ത് കോൺഗ്രസ് ജില്ലയിൽ നേതൃത്വം കൊടുക്കുമെന്നും ജില്ലാ പ്രസിഡൻറ് സുധീർഷാ പാലോട് പറഞ്ഞു