Home Latest News സംസ്ഥാനത്ത് മൂന്നുപേർക്ക് കൂടി കൊറോണ;രോഗബാധിതരുടെ എണ്ണം 24 ആയി.

സംസ്ഥാനത്ത് മൂന്നുപേർക്ക് കൂടി കൊറോണ;രോഗബാധിതരുടെ എണ്ണം 24 ആയി.

0
സംസ്ഥാനത്ത് മൂന്നുപേർക്ക് കൂടി കൊറോണ;രോഗബാധിതരുടെ എണ്ണം 24 ആയി.

സംസ്ഥാനത്ത് മൂന്നുപേർക്ക് കൂടി കൊറോണ രോഗബാധ സ്ഥിരീകരിച്ചു. മലപ്പുറത്ത് രണ്ടുപേർക്കും കാസർകോട്ട് ഒരാൾക്കുമാണ് ഇന്ന് രോഗം സ്ഥിരീകരിച്ചത്. ഇതോടെ സംസ്ഥാനത്ത് ആശുപത്രിയിൽ ചികിത്സയിൽ കഴിയുന്നവരുടെ എണ്ണം 24 ആയി. നേരത്തെ രോഗം ഭേദമായവരെ കൂടി പരിഗണിച്ചാൽ ആകെ രോഗം ബാധിച്ചവരുടെ എണ്ണം 27 ആയെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു.

നിലവിൽ സംസ്ഥാനത്ത് 12740 പേർ നിരീക്ഷണത്തിൽ കഴിയുന്നതായി മുഖ്യമന്ത്രി അറിയിച്ചു. ഇതിൽ 12470 പേർ വീടുകളിൽ നിരീക്ഷണത്തിലാണ്. 270 പേർ ആശുപത്രികളിൽ ഐസൊലേഷൻ വാർഡുകളിൽ കഴിയുന്നതായും മുഖ്യമന്ത്രി പറഞ്ഞു.

ഇന്ന് പുതുതായി 72 പേരെയാണ് ആശുപത്രിയിൽ പ്രവേശിപ്പിച്ചത്. രണ്ടായിരത്തിലധികം പേരുടെ സാമ്പിളുകൾ പരിശോധനയ്ക്ക് അയച്ചു.ഇതിൽ 1693 എണ്ണത്തിൽ രോഗബാധയില്ലെന്ന് കണ്ടെത്തിയതായും മുഖ്യമന്ത്രി പറഞ്ഞു.

error: Content is protected !!