ആലപ്പുഴ: കോവിഡ് 19 ബാധ സംശയിച്ച് നിരീക്ഷണത്തിലിരിക്കെ ആലപ്പുഴയില്‍ നിന്നും കടന്നുകളഞ്ഞ വിദേശദമ്പതികളെ കണ്ടെത്തി. നെടുമ്പാശ്ശേരി വിമാനത്താവളത്തില്‍ നിന്നും അധികൃതര്‍ ഇവരെ പിടികൂടിയത്. യുകെയില്‍ നിന്നും ദോഹ വഴിയാണ് ഇവര്‍ കേരളത്തില്‍ എത്തിയത്.
യുകെ സ്വദേശികളായ എക്‌സാണ്ടര്‍(28) എലിസ(25) എന്നിവരാണ് അധികൃതരെ വെട്ടിച്ച് കടന്നുകളഞ്ഞത്. രോഗലക്ഷണങ്ങള്‍ പ്രകടിപ്പിച്ച ഇവരോട് ഐസലേഷന്‍ വാര്‍ഡില്‍ കഴിയണമെന്ന് ആലപ്പുഴ മെഡിക്കല്‍ കോളേജ് അധികൃതര്‍ നിര്‍ദ്ദേശിക്കുകയായിരുന്നു. എന്നാല്‍ നിര്‍ദ്ദേശം അവഗണിച്ച് ഇവര്‍ കടന്നു കളയുകയായിരുന്നു. കഴിഞ്ഞ ഒന്‍പതാം തീയതിയാണ് ഇവര്‍ കേരളത്തില്‍ എത്തിയത്.
