കോവിഡ് -19 വൈറസിനെതിരായ ഇന്ത്യയുടെ പോരാട്ടത്തിലെ നിർണായക മാനദണ്ഡമായി കണക്കാക്കാവുന്ന കാര്യങ്ങളിൽ, പൂനെ ആസ്ഥാനമായുള്ള ഡയഗ്നോസ്റ്റിക് സ്ഥാപനം രാജ്യത്തെ ആദ്യത്തെ ടെസ്റ്റിംഗ് കിറ്റ് വികസിപ്പിച്ചെടുത്തു.ലോകത്തിലെ ഏറ്റവും താഴ്ന്ന നിരക്കുകളിലൊന്നായ ഒരു ദശലക്ഷത്തിന് 6.8 ടെസ്റ്റുകൾ മാത്രമുള്ള ഇന്ത്യ വേണ്ടത്ര പരീക്ഷിക്കാത്തതിന്റെ പേരിൽ വിമർശിക്കപ്പെട്ടു. . ഡെലിക്ക് മണിക്കൂറുകൾക്ക് മുമ്പ് ഒരു വർക്കിംഗ് ടെസ്റ്റ് കിറ്റ് നിർമിച്ച ചെയ്ത ഒരു വൈറോളജിസ്റ്റിന്റെ ശ്രമമാണ് ഇതെല്ലാം സാധ്യമാക്കിയത്.
മൈലാബിന്റെ റിസർച്ച് ആന്റ് ഡവലപ്മെന്റ് ചീഫ് മിനൽ ദഖാവെ ഭോസാലെക്ക് കീഴിൽ, പാത്തോ ഡിറ്റക്റ്റ് എന്ന കൊറോണ വൈറസ് ടെസ്റ്റിംഗ് കിറ്റ് വെറും ആറ് ആഴ്ചയ്ക്കുള്ളിൽ വികസിപ്പിച്ചെടുത്തു,ഇതിനെ പറ്റി മിനൽ ദഖാവെ ഭോസാലെ പറഞ്ഞ വാക്കുകളിലേക്.”അതൊരു എമർജൻസി സിറ്റുവേഷനായിരുന്നു, അതുകൊണ്ട് ഞാനാ വെല്ലുവിളി ഏറ്റെടുത്തു. നമ്മുടെ രാജ്യത്തെ സേവിക്കുക എന്നതായിരുന്നു മനസ്സിൽ” പറഞ്ഞത് പൂർണ്ണഗർഭിണിയായിരിക്കെ ആദ്യ ഇന്ത്യൻ നിർമ്മിത Covid 19 ടെസ്റ്റ് കിറ്റ് വികസിപ്പിച്ചെടുത്ത ശാസ്ത്രജ്ഞ ഡോ മിനാൽ ദഖാവെ ഭോസലെയാണ്. കിറ്റ് വികസിപ്പിച്ച് മൂല്യനിർണ്ണയത്തിന് സമർപ്പിച്ച ശേഷം അവർ നേരെ പോയത് ആശുപത്രിയിലേക്കാണ്. കഴിഞ്ഞയാഴ്ച്ച അവർ ഒരു പെൺകുഞ്ഞിനു ജന്മം കൊടുത്തു. രണ്ടുപേരും സുഖമായിരിക്കുന്നു.
പ്രസവത്തിനായി ഫെബ്രുവരിയിൽ ലീവിൽ പ്രവേശിച്ചെങ്കിലും കോവിഡ് പരിശോധനാ കിറ്റിനായുള്ള ഗവേഷണം ആരംഭിച്ചതോടെ മിനാൽ ജോലിയിലേക്ക് തിരിച്ചുവരികയായിരുന്നു. ഗർഭകാല ബുദ്ധിമുട്ടുകളെ തുടർന്ന് ആശുപത്രിയിലായിരുന്ന മിനാൽ ഡിസ്ചാർജ് ആയതിന് തൊട്ടടുത്ത ദിവസം തന്നെ ലാബിലെത്തി.വൈറോളജിസ്റ്റും മൈലാബിലെ റിസർച്ച് ആൻഡ് ഡെവലപ്മെൻ്റ് ചീഫായ ഡോ മിനാലും സംഘവും പാത്തോഡിറ്റക്ട് എന്ന ഈ കിറ്റ് വികസിപ്പിച്ചെടുത്തത് റെക്കോഡ് വേഗതയിലാണ്. 6 ആഴ്ച്ചകൾ മാത്രമേ ഇവർക്ക് വേണ്ടി വന്നുള്ളൂ.
നിലവിലെ ലാബ് പരിശോധനക്ക് നാലുമണിക്കൂർ എടുക്കുമ്പോൾ മൈലാബിൻെറ ടെസ്റ്റ് കിറ്റ് ഉപയോഗിച്ചുള്ള പരിശോധനയിലൂടെ രണ്ടര മണിക്കൂറിനകം ഫലം ലഭിക്കും. ദേശീയ വൈറോളജി ഇൻസ്റ്റിറ്റ്യൂട്ട് വിലയിരുത്തിയ പാത്തോ ഡിറ്റക്ട് വാണിജ്യോത്പാദനത്തിനുള്ള അനുമതി ലഭിച്ചിട്ടുണ്ട്.നിലവിൽ രാജ്യത്ത് കോവിഡ് പരിശോധന കിറ്റുകളുടെ കുറവുണ്ട്.
ഒരാഴ്ചക്കുള്ളിൽ ഒരു ലക്ഷത്തോളം കിറ്റുകൾ നിർമിക്കാനാണ് മൈലാബ് ശ്രമിക്കുന്നത്.
റിവേഴ്‌സ് ട്രാൻസ്‌ക്രിപ്ഷൻ പോളിമെറേസ് ചെയിൻ റിയാക്‌ഷൻ(ആർ.ടി.-പി.സി.ആർ.) ടെസ്റ്റ് വഴിയാണ് കൊറോണ വൈറസ് ബാധ സ്ഥിരീകരിക്കുന്നത്. നിലവിൽ കോവിഡ് പരിശോധനക്ക് ഇറക്കുമതി ചെയ്ത സംവിധാനം ഉപയോഗിക്കുന്നതിന് 4500 രൂപ വരെ ചിലവ് വരുമ്പോൾ പാത്തോ ഡിറ്റക്ട് വഴിയുള്ള പരിശോധനക്ക് 1200 രൂപയാണ് ചിലവ്. ഒരേ കിറ്റിൽ 100 സാമ്പിളുകൾ പരിശോധിക്കാമെന്നതും ഇതിൻ്റെ മേന്മയാണ്.ഗർഭകാലത്തെ സന്ദിഗ്ധതകളിലും രാജ്യത്തിനുവേണ്ടി ജോലിചെയ്യുന്ന ഡോ.മിനാലിനേപ്പൊലെയുള്ള അമ്മമാരാവട്ടെ നമുക്കു മാതൃക.ആ അമ്മയ്ക്കും കുഞ്ഞിനും ഒരായിരം നൻമകൾ നേരുന്നു.ഒപ്പം ഒരായിരം സല്ല്യൂട്ട്സും.
