Home Automobile ഓട്ടോ എക്‌സ്‌പോയിൽ മാരുതിയുടെ ഫ്യുച്ചുറോ-ഇ ഇലക്ട്രിക്ക് എസ്‌യുവി

ഓട്ടോ എക്‌സ്‌പോയിൽ മാരുതിയുടെ ഫ്യുച്ചുറോ-ഇ ഇലക്ട്രിക്ക് എസ്‌യുവി

0
ഓട്ടോ എക്‌സ്‌പോയിൽ മാരുതിയുടെ ഫ്യുച്ചുറോ-ഇ ഇലക്ട്രിക്ക് എസ്‌യുവി

അടുത്ത മാസം അഞ്ചാം തിയതി മുതലാണ് രണ്ട് വർഷത്തിൽ ഒരിക്കൽ ഡെൽഹിക്കടുത്ത് ഗ്രെയ്റ്റർ നോയിഡയിൽ നടക്കുന്ന ഇന്ത്യയിലെ ഏറ്റവും വലിയ ഓട്ടോ മാമാങ്കം, ഓട്ടോ എക്‌സ്‌പോ ക്രമീകരിച്ചിരിക്കുന്നത്. ഷോയ്ക്ക് മുൻപായി തങ്ങൾ അവതരിപ്പിക്കാൻ പോകുന്ന മോഡലുകളെപറ്റിയുള്ള സൂചനകൾ നൽകി വാഹന പ്രേമികളിൽ ആവേശം നിറയ്ക്കുന്നതിന്റെ തിരക്കിലാണ് വാഹന നിർമാതാക്കൾ. ഇന്ത്യയിലെ ഏറ്റവും വലിയ വാഹന നിർമാതാക്കളായ മാരുതി സുസുക്കിയും ഓട്ടോ എക്സ്പോയിലെ സ്ഥിരം സാന്നിധ്യമാണ്. ഇത്തവണ മാരുതിയുടെ തുറുപ്പു ചീട്ടാവുക ഒരു ഇലക്ട്രിക്ക് എസ്‌യുവി കോൺസെപ്റ്റാണ്.

ഫ്യുച്ചുറോ-ഇ എന്ന് പേരിട്ടിരിക്കുന്ന ഇലക്ട്രിക്ക് എസ്‌യുവി കോൺസെപ്റ്റിനെപ്പറ്റി അധികം വിവരങ്ങളൊന്നും മാരുതി  പുറത്തു വിട്ടിട്ടില്ല. ഒരു രേഖചിത്രം മാത്രമാണ് പുറത്തു വിട്ടിരിക്കുന്നത്. കൂപെ-സ്റ്റൈൽ ഇലക്ട്രിക്ക് കൺസെപ്റ്റ് മോഡലാണ് ഫ്യുച്ചുറോ-ഇ എന്ന് രേഖാചിത്രം വ്യക്തമാകുന്നു. വശങ്ങളിലേക്ക് കയറി നിൽക്കുന്ന നീളം കൂടുതലുള്ള ഹെഡ്, ടെയിൽ ലാമ്പുകളും രേഖചിത്രം വ്യക്തമാക്കുന്നു. ചുരുക്കത്തിൽ ജാഗ്വറിന്റെ ആഡംബര എസ്യുവിയായ എഫ്-പെയ്‌സിനോട് സാമ്യം തോന്നുന്ന തട്ടുപൊളിപ്പൻ ഡിസൈൻ ആയിരിക്കും ഫ്യുച്ചുറോ-ഇയ്ക്ക്. യൂട്ടിലിറ്റി വെഹിക്കിൾ സെഗ്മെന്റിൽ പുതിയ ഡിസൈൻ ഭാഷ്യത്തിന് തന്നെ കൺസെപ്റ്റ് ഫ്യുച്ചുറോ-ഇ തുടക്കമിടും എന്ന് മാരുതി സുസുക്കി അവകാശപ്പെടുന്നു.

error: Content is protected !!