കശുവണ്ടി തൊഴിലാളികൾ, ഓട്ടോറിക്ഷ തൊഴിലാളികൾ, അസംഘടിത ക്ഷേമബോർഡിൽ രജിസ്റ്റർ ചെയ്തതും ചെയ്യാത്തതുമായ വിവിധയിനം തൊഴിലെടുക്കുന്ന തൊഴിലാളികൾക്ക് 10000/- രൂപ ആശ്വാസ ധനസഹായം അടിയന്തരമായി പ്രഖ്യാപിക്കണമെന്ന് ആവശ്യപ്പെട്ടുകൊണ്ട് ഓൾ ഇന്ത്യ അൺ ഓർഗനൈസ്ഡ് വർക്കേഴ്സ് കോൺഗ്രസ് (AIUWC)
ചിറയിൻകീഴ് നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ മുദാക്കൽ പോസ്റ്റ് ഓഫീസിനു മുന്നിൽ കോവിഡ് മാനദണ്ഡങ്ങൾ പാലിച്ച് നടത്തിയ ധർണ്ണ ജില്ലാ പ്രസിഡൻറ് അഡ്വ. എം.എം. താഹ ഉദ്ഘാടനം ചെയ്തു.കേന്ദ്ര സർക്കാർ ഒത്താശയോടെ സംസ്ഥാന സർക്കാർ തൊഴിലാളികളുടെ അവകാശങ്ങൾ കവർന്നെടുക്കുന്ന പ്രവണതയാണ് ഇപ്പോൾ കേരളത്തിൽ കണ്ടു കൊണ്ടിരിക്കുന്നതെന്ന് അഡ്വ. എം.എം. താഹ ഉദ്ഘാടന പ്രസംഗത്തിൽ അഭിപ്രായപ്പെട്ടു.
ചെമ്പൂര് സർവീസ് സഹകരണ ബാങ്ക് ഡയറക്ടർ ബോർഡ് അംഗം എസ്. സുജിത്ത് അധ്യക്ഷനായി. കുറുമാൻ കോട് ശ്രീകുമാർ, സൗമേഷ് ഓണിവാരം, പ്രദീപ് വരവിള, സ്വാതി ലാൽ, അനീഷ് പച്ചയിൽ, യൂത്ത് കോൺഗ്രസ് മുദാക്കൽ മണ്ഡലം പ്രസിഡണ്ട് എം എസ് അഭിജിത്ത് തുടങ്ങിയവർ പങ്കെടുത്തു.
