അഫ്ഗാനിസ്ഥാൻ, പാകിസ്ഥാൻ തുടങ്ങിയ രാജ്യങ്ങളിൽ നിന്നുള്ള ന്യൂനപക്ഷക്കാർക്ക് ചില അവകാശങ്ങൾ നൽകുന്നതാണ് ഇന്ത്യയുടെ പൗരത്വ നിയമമെന്നാണ് പറയപ്പെടുന്നത്. എന്നാലും ഇന്ത്യാ ഗവൺമെന്റ് എന്തിനിത് നടപ്പാക്കുന്നുവെന്ന് ഞങ്ങൾക്ക് മനസിലാവുന്നില്ല. ഇത് ഒട്ടും ആവശ്യമില്ലാത്തതാണ്.’- ഷേക്ക് ഹസീന ഒരു അഭിമുഖത്തിൽ പറഞ്ഞു.
ബംഗ്ലാദേശ് ഉൾപ്പെടെയുള്ള അയൽ രാജ്യങ്ങളിൽ നിന്നുള്ള അനധികൃത കുടിയേറ്റക്കാരെ തടയാനാണ് നിയമമെന്ന വ്യാഖ്യാനങ്ങൾക്കിടെയാണ് ഷേക്ക് ഹസീനയുടെ പ്രതികരണം. ഇന്ത്യയിൽ നിന്ന് ബംഗ്ലാദേശിലേക്ക് കുടിയേറ്റം വർദ്ധിക്കുന്നെന്ന റിപ്പോർട്ടുകൾ അവർ തള്ളി.
‘പൗരത്വഭേദഗതി നിയമവും എൻ.ആർ.സിയും ഇന്ത്യയുടെ ആഭ്യന്തര കാര്യമാണെന്ന നിലപാടാണ് ബംഗ്ലാദേശിനുള്ളത്. എൻ.ആർ.സി ഇന്ത്യയുടെ ആഭ്യന്തര വിഷയമാണെന്ന് 2019 ഒക്ടോബറിൽ ന്യൂഡൽഹി സന്ദർശിച്ചപ്പോൾ പ്രധാനമന്ത്രി നരേന്ദ്ര മോദി വ്യക്തിപരമായി തനിക്ക് ഉറപ്പ് നൽകിയിട്ടുണ്ട്. എന്നിരുന്നാലും ഇന്ത്യയിൽ കുടിയേറ്റക്കാർ ചില പ്രശ്നങ്ങൾ നേരിടുന്നുണ്ട്. ‘ – ഹസീന പറഞ്ഞു.കഴിഞ്ഞ വർഷം ഒക്ടോബറിൽ യു.എൻ സമ്മേളനിത്തിനിടെ മോദിയും ഷേക്ക് ഹസീനയും ചർച്ച നടത്തിയിരുന്നു. ഇന്ത്യയുടെ ദേശീയ പൗരത്വ രജിസ്റ്ററിനെക്കുറിച്ച് ബംഗ്ലാദേശികൾക്ക് ആശങ്കയുണ്ടെന്ന് ഷേക്ക് ഹസീന അന്ന് ചൂണ്ടിക്കാട്ടിയിരുന്നു.
