വർക്കല: വീട്ടുകാരുടെ എതിർപ്പിനെ തുടർന്ന് പ്രണയം ഉപേക്ഷിച്ച 17കാരിയെ കാമുകൻ അർദ്ധരാത്രിയിൽ വീട്ടിൽ നിന്നും വിളിച്ചിറക്കി കഴുത്തറുത്ത് കൊന്ന സംഭവത്തിൽ പോലീസിൻ്റെ സമയോചിതമായ ഇടപെടൽ പ്രതിയെ വേഗത്തിൽ പിടിക്കാൻ സഹായകമായി. വടശ്ശേരിക്കോണം കുലക്കോട് പൊയ്കയിൽ സംഗീത നിവാസിൽ സജീവ് മകൾ ഒന്നാംവർഷ ഡിഗ്രി വിദ്യാർഥിനിയായ സംഗീതയെയാണ് പള്ളിക്കൽ പ്ലാച്ചുവിള നെരുമാത്ത് കുന്നുംപുറത്ത് വീട്ടിൽ 20 വയസ്സുള്ള ഗോപു കഴുത്തറുത്ത് കൊന്നത്. ഗോപു മായുള്ള പ്രണയം അറിഞ്ഞ വീട്ടുകാർ ഉപദേശിക്കുകയും പഠിത്തത്തിൽ ശ്രദ്ധിക്കണമെന്ന് താക്കീത് ചെയ്യുകയും ചെയ്തു.
https://www.facebook.com/varthatrivandrumonline/videos/1155902005036926
വീട്ടുകാർ അറിയാതെ പെൺകുട്ടിക്ക് വാങ്ങി നൽകിയ മൊബൈൽ ഫോണും പെൺകുട്ടിയുടെ വീട്ടുകാർ ഗോപുന് തിരിച്ചു നൽകി. എന്നാൽ ഗോപു, വേറൊരു സിം നമ്പരിൽ നിന്നും അഖിൽ എന്ന പേരിൽ കുട്ടിയുമായി സൗഹൃദം തുടർന്നു. എന്നാൽ സംശയം തോന്നിയ പെൺകുട്ടി അഖിലന്ന പേരിലും സൗഹൃദം തുടരാൻ വിസമ്മതിച്ചു. പെൺകുട്ടിയെ നേരിൽ കാണണമെന്ന് വാശിപിടിച്ച് അഖിൽ എന്ന പേരിൽ ഗോപു പുലർച്ചെ പന്ത്രണ്ടര മണിയോടുകൂടി പെൺകുട്ടിയെ വടശ്ശേരിക്കോണത്ത് ഉള്ള വീട്ടിൽ നിന്നും വിളിച്ചിറക്കി. ഇരുചക്രവാഹനത്തിൽ ഹെൽമറ്റ് ധരിച്ച് എത്തിയ ഗോപുവിന്റെ നേരിട്ടുള്ള സംസാരത്തിൽ നിന്നും തിരിച്ചറിഞ്ഞ പെൺകുട്ടി വീട്ടിലേക്ക് തിരികെ പോകാൻ ശ്രമിച്ചെങ്കിലും ഗോപു കയ്യിൽ കരുതിയിരുന്ന കത്തി ഉപയോഗിച്ച് കുട്ടിയുടെ കഴുത്തിൽ ആഴമേറിയ മുറിവ് ഏൽപ്പിക്കുകയായിരുന്നു. പെൺ കുട്ടിയുടെ അലർച്ച കേട്ട് ആൾക്കാർ ഓടിക്കൂടി വരുമെന്ന് പേടിച്ച് പ്രതി ഇരുചക്ര വാഹനത്തിൽ രക്ഷപ്പെടുകയായിരുന്നു. ബഹളം കേട്ട് ഉണർന്ന വീട്ടുകാർ പെൺകുട്ടിയെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല. വിവരമറിഞ്ഞ് സ്ഥലത്തെത്തിയ പോലീസ് ഉണർന്ന് പ്രവർത്തിച്ച് പ്രതിയെ തിരിച്ചറിഞ്ഞ് രാവിലെയോടുകൂടി പിടികൂടുകയായിരുന്നു.
https://www.facebook.com/varthatrivandrumonline/videos/682281886767432
തിരുവനന്തപുരം റേഞ്ച് ഡി ഐ ജി നിശാന്തിനി മേടത്തിന്റെ നിർദ്ദേശപ്രകാരം തിരുവനന്തപുരം റൂറൽ എസ് പി ദേവയ്യയുടെ മേൽനോട്ടത്തിൽ വർക്കല ഡിവൈഎസ്പി നിയാസ്. പി, വർക്കല സി ഐ സനോജ് എസ്ഐമാരായ രാഹുൽ പി ആർ, അബ്ദുൽ ഹക്കീം, പ്രൊബേഷൻ എസ് ഐ മനോജ് സി, എ എസ് ബിജുകുമാർ, എസ് സി പി ഒ ഷിബു, സി പി ഒ മാരായ ബിനു ശ്രീദേവി, ഷജീർ, സുധീർ, സുജിത്ത് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
ഈ ക്രിസ്തുമസും ന്യൂഇയറും കളറാക്കാൻ പൂജയും ഒപ്പം കൈ നിറയെ ഓഫറുകളും
https://www.facebook.com/varthatrivandrumonline/videos/497720782463157
