തിരുവനന്തപുരം: ഡേ കെയറിലാക്കിയ രണ്ട് വയസുകാരൻ ഒറ്റയ്ക്ക് നടന്ന് വീട്ടിലെത്തി . നേമത്ത് ഡേ കെയറില്നിന്നാണ് അങ്കിത് സുധീഷ് എന്ന കുട്ടി വീട്ടിലേക്ക് നടന്നെത്തിയത്. കുട്ടി ഒറ്റയ്ക്ക് രണ്ടു കിലോമീറ്റര് നടന്ന് വീട്ടിലെത്തിയിട്ടും കുട്ടി ഇറങ്ങിപ്പോയത് ഡേ കെയര് അധികൃതര് അറിഞ്ഞില്ല.
കുഞ്ഞ് റോഡിൽ കൂടി നടന്നു വരുന്ന ദൃശ്യങ്ങൾ അടുത്തുള്ള സി സി ടി ടിവിയിൽ പതിഞ്ഞിരുന്നു. കുട്ടി പേടിച്ചും ഭയന്നുമാണ് വീട്ടിലെത്തിയതെന്നും ഇത്തരമൊരു അനാസ്ഥ ആവർത്തിക്കരുതെന്നും കുടുംബം വ്യക്തമാക്കി. അതേസമയം സംഭവത്തിൽ രണ്ട് അദ്ധ്യാപകരെ സസ്പെൻഡ് ചെയ്തു. കുട്ടി ഇറങ്ങി പോയ സമയത്ത് കല്യാണത്തിന് പോയിരുന്ന അദ്ധ്യപകർക്കെതിരെയാണ് കാക്കാ മൂല സോവർ ഹിൽ ലൂഥറൻസ് സ്കൂൾ നടപടിയെടുത്തത്.