സൈനികര്‍ക്ക് ആദരം; ഐപിഎല്‍ ചരിത്രത്തില്‍ ആദ്യമായി ജഴ്‌സി ഡിസൈന്‍ മാറ്റി ചെന്നൈ സൂപ്പര്‍ കിംഗ്‌സ്

ഐപിഎല്‍ ചരിത്രത്തില്‍ ആദ്യമായി ജഴ്‌സി ഡിസൈന്‍ മാറ്റി ചെന്നൈ സൂപ്പര്‍ കിംഗ്‌സ്. സൈനികര്‍ക്ക് ആദരവര്‍പ്പിച്ചുകൊണ്ടുള്ള ജഴ്‌സിയാണ് ചെന്നൈ സൂപ്പര്‍ കിംഗ്‌സ് പുറത്തുവിട്ടിരിക്കുന്നത്. ചെന്നൈ സൂപ്പര്‍ കിംഗ്‌സ് തങ്ങളുടെ ഫേസ്ബുക്ക് പേജിലൂടെ പുറത്തുവിട്ട വിഡിയോയില്‍ നായകന്‍ എംഎസ് ധോണിയാണ് പുതിയ ജഴ്‌സി അവതരിപ്പിച്ചത്

ജഴ്‌സിയുടെ തോള്‍ ഭാഗത്ത് ഇന്ത്യന്‍ സൈന്യത്തിന് ആദരവര്‍പ്പിച്ചുകൊണ്ടുള്ള ഡിസൈനുണ്ട്. ഇതാണ് പ്രകടമായ മാറ്റം. മുത്തൂറ്റ് പിന്മാറിയ സാഹചര്യത്തില്‍ പ്രമുഖ ഓണ്‍ലൈന്‍ ഫാഷന്‍ സ്റ്റോര്‍ ആയ മിന്ത്ര ആണ് ടീമിന്റെ പ്രധാന സ്‌പോണ്‍സര്‍.

ഇത്തവണത്തെ ഐപിഎല്‍ മത്സരങ്ങള്‍ ഏപ്രില്‍ 9ന് ആരംഭിക്കും. മുംബൈ ഇന്ത്യന്‍സും റോയല്‍ ചലഞ്ചേഴ്‌സ് ബാംഗ്ലൂരും തമ്മില്‍ ചെന്നൈയിലാണ് ഉദ്ഘാടന മത്സരം. 6 വേദികളിലായാണ് മത്സരങ്ങള്‍ നടക്കുക. ചെന്നൈയോടൊപ്പം, ബാംഗ്ലൂര്‍, മുംബൈ, ഡല്‍ഹി, മുംബൈ, കൊല്‍ക്കത്ത, അഹ്മദാബാദ് എന്നിവിടങ്ങളിലാണ് മത്സരങ്ങള്‍. അഹ്മദാബാദിലെ മൊട്ടേരെ നരേന്ദ്രമോദി സ്റ്റേഡിയത്തില്‍ പ്ലേ ഓഫ് മത്സരങ്ങളാണ് കളിക്കുക. മെയ് 30നാണ് ഫൈനല്‍.

നിങ്ങളുടെ സംരംഭക സ്വപ്നങ്ങൾക്ക് ഇനി പണമൊരു തടസ്സമല്ല; പുതിയ ആശയങ്ങളുമായി SMART SERVICE SOCIETY

[fb_plugin video href=”https://www.facebook.com/107537280788553/videos/2996665007322555″ ]