ലോക്സഭാ തെരഞ്ഞെടുപ്പു പ്രചാരണത്തിനായി മുഖ്യമന്ത്രിയുടെ മണ്ഡലതല പര്യടനം ഇന്ന് മുതല്‍ ആരംഭിച്ചു.ഏപ്രില്‍ 22 ന് ആണ് പര്യടനം അവസാനിക്കുന്നത്. ഇന്ന് തിരുവനന്തപുരം മണ്ഡലത്തിലാണ് പര്യടനം. തിരുവനന്തപുരം ലോക്സഭാ മണ്ഡലം എല്‍ഡിഎഫ് സ്ഥാനാർത്ഥി പന്ന്യൻ രവീന്ദ്രന്റെ ഇന്നത്തെ വിവിധയിടങ്ങളിലെ പ്രചാരണ പരിപാടികളില്‍ മുഖ്യമന്ത്രി പിണറായി വിജയൻ പങ്കെടുക്കും. രാവിലെ 10.30 ന് നെയ്യാറ്റിൻകര ടൗണിലാണ് ആദ്യ പരിപാടി നടക്കുന്നത്. വൈകുന്നേരം 4.30 ന് തിരുവല്ലം മൈതാനത്താണ് രണ്ടാമത്തെ പൊതുയോഗം. വൈകുന്നേരം 5.30 ന് പേട്ടയിലാണ് മൂന്നാമത്തെ പരിപാടി.
രാജ്യത്തിന്റെ ഭരണഘടനാമൂല്യങ്ങളെയും മതനിരപേക്ഷ പാരമ്ബര്യത്തെയും സംരക്ഷിക്കാൻ ഈ ലോക്സഭാ തെരഞ്ഞെടുപ്പില്‍ ഇടതുപക്ഷ ജനാധിപത്യ മുന്നണിയുടെ സ്ഥാനാർത്ഥികള്‍ വിജയിക്കേണ്ടതുണ്ടെന്ന് മുഖ്യമന്ത്രി പറഞ്ഞഞു. ജനങ്ങള്‍ നേരിടുന്ന യഥാർത്ഥ പ്രശ്‌നങ്ങളില്‍ നിന്ന് ശ്രദ്ധ തിരിച്ചുവിടാനായി വെറുപ്പിന്റെ രാഷ്ട്രീയം ആളിക്കത്തിക്കുന്ന വർഗീയ ശക്തികളെ പ്രതിരോധിക്കാൻ ഇടതുപക്ഷത്തിന് മാത്രമേ സാധിക്കൂ. മതനിരപേക്ഷ മൂല്യങ്ങള്‍ ഉയർത്തിപ്പിടിക്കാതെ അവസരവാദ രാഷ്ട്രീയം പയറ്റുന്ന കോണ്‍ഗ്രസിന്റെ ഇരട്ടത്താപ്പും തിരിച്ചറിയേണ്ടതുണ്ടെന്ന് അദ്ദേഹം ചൂണ്ടിക്കാട്ടി.
