തിരുവനന്തപുരത്ത് നവജാത ശിശുവിനെ മാതാപിതാക്കള് വില്പ്പന നടത്തി. തിരുവനന്തപുരം തൈക്കാട് സര്ക്കാര് ആശുപത്രിയിലാണ് സംഭവം.
വാങ്ങിയ ആളില് നിന്ന് പോലീസ് കുട്ടിയെ വീണ്ടെടുത്തിട്ടുണ്ട്. മൂന്നുലക്ഷം രൂപ നല്കി തിരുവല്ലം സ്വദേശിയാണ് 11 ദിവസം പ്രായമുള്ള കുട്ടിയെ വാങ്ങിയത്.
നിലവില് ശിശുക്ഷേമ സമിതിയുടെ സംരക്ഷണയിലാണ് കുട്ടി ഉള്ളത്. സംഭവത്തില് കര്ശന നടപടി സ്വീകരിക്കുമെന്ന് ചൈല്ഡ് വെല്ഫെയര് കമ്മിറ്റി അറിയിച്ചു.
