ശ്രീപദ്മനാഭസ്വാമി ക്ഷേത്രത്തിലെ പൈങ്കുനി ഉത്സവത്തിന് നാളെ ശംഖുംമുഖത്ത് നടക്കുന്ന ആറാട്ടോടെ സമാപനമാകും.വൈകിട്ട് 5ന് ആറാട്ട് ചടങ്ങുകള്‍ ആരംഭിക്കും.ശ്രീകോവിലില്‍ ദീപാരാധന കഴിഞ്ഞ് ഗരുഡവാഹനങ്ങളില്‍ ശ്രീപദ്മനാഭസ്വാമിയെയും നരസിംഹമൂർത്തിയെയും തിരുവമ്ബാടി കൃഷ്ണ‌നെയും പുറത്തെഴുന്നള്ളിക്കുന്നതോടെ ആറാട്ട് ഘോഷയാത്രയ്ക്ക് തുടക്കമാവും. ഇവർക്കൊപ്പം ചേരാനായി നഗരത്തിലെ വിവിധ ക്ഷേത്രങ്ങളില്‍ നിന്നുള്ള ആറാട്ട് വിഗ്രഹങ്ങള്‍ പടിഞ്ഞാറേ നടയിലെത്തും. എല്ലാ വിഗ്രഹങ്ങളും ചേർന്ന് ശംഖുംമുഖത്ത് കൂടിയാറാട്ടാണ് നടത്തുന്നത്.
എഴുന്നള്ളത്ത് ക്ഷേത്രത്തില്‍ രാത്രി വൈകി മടങ്ങിയെത്തുന്നതോടെ ഉത്സവത്തിന് സമാപനമാകും.
