തിരുവനന്തപുരം : കോവിഡ്മായി വിദേശത്ത് കുടുങ്ങിക്കിടക്കുന്ന പ്രവാസികളെ അമിത ചാർജ് ഈടാക്കി നാട്ടിലെത്തിക്കുന്നതിന് ദുരിത കാലത്ത് ജനങ്ങളെ ചൂഷണം ചെയ്യുന്ന എയർ ഇന്ത്യയുടെ കിരാത നടപടി എതിരെ പ്രതിഷേധിച്ച് കൊണ്ട് യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ തിരുവനന്തപുരം എയർ ഇന്ത്യ ഓഫീസിലേക്കു പ്രതിഷേധ സമരം നടത്തി. കെപിസിസി നിർവാഹക സമിതി അംഗം എം എ ലത്തീഫ് ഉദ്ഘാടനം ചെയ്തു.
2009 ൽ Dr. മൻമോഹൻ സിംഗ് പ്രധാനമന്ത്രിയായിരുന്ന കാലത്ത് നടപ്പിലാക്കിയ ഇന്ത്യൻ കമ്മ്യൂണിറ്റി വെൽഫെയർ ഫണ്ട് ഉപയോഗിച്ചു കൊണ്ട് ടിക്കറ്റ് ചാർജ് സൗജന്യമാക്കണം എന്നും ജോലിയും കൂലിയും നഷ്ടപ്പെട്ട നാട്ടിലെത്താൻ വെമ്പൽകൊള്ളുന്ന പ്രവാസികൾക്കെതിരെ നരേന്ദ്രമോദിയും എയർ ഇന്ത്യയും നടത്തുന്ന തീവെട്ടി കൊള്ള അവസാനിപ്പിക്കണമെന്നും എം എ ലത്തീഫ് ആവശ്യപ്പെട്ടു.
യൂത്ത് കോൺഗ്രസ് ജില്ലാ ജനറൽ സെക്രട്ടറി മൈക്കിൾ രാജ്, കോൺഗ്രസ് പ്രസിഡണ്ട് മണ്ണാമൂല രാജൻ,ജെ ആർ വിജയൻ, കെഎസ്‌യു ജില്ലാ ഭാരവാഹികളായ ശരത്ത് ശൈലേശ്വരൻ, അനന്തകൃഷ്ണൻ, കോൺഗ്രസ് മണ്ഡലം പ്രസിഡണ്ട് ക്ലീറ്റസ്, യൂത്ത് കോൺഗ്രസ് നേതാകളായ ഇ കെ മുനീർ, അച്ചു അജയഘോഷ്‌ അബ്ദുൽ അരാഫ് എന്നിവർ സംസാരിച്ചു.
