ഈ അധ്യയന വര്ഷത്തെ എസ്എസ്എല്എസി, പ്ലസ് ടു പരീക്ഷകളുടെ തീയതി പ്രഖ്യാപിച്ച് വിദ്യാഭ്യാസ മന്ത്രി വി ശിവൻകുട്ടി.2026 മാര്ച്ച് 5 മുതലാണ് എസ്എസ്എല്സി പരീക്ഷ ആരംഭിക്കുന്നത് മാർച്ച് 30 ന് പരീക്ഷ അവസാനിക്കും. രാവിലെ 9.30 ന് പരീക്ഷകള് തുടങ്ങും. മെയ് 8 നായിരിക്കും എസ്എസ്എല്സി ഫലപ്രഖ്യാപനം. സംസ്ഥാനത്ത് 3000 പരീക്ഷ കേന്ദ്രങ്ങളിലാണ് പരീക്ഷ നടക്കുക. മാർച്ച് 5 മുതല് 27 വരെ ഹയർ സെക്കൻ്ററി ഒന്നാം വർഷ പരീക്ഷകളും, രണ്ടാം വർഷം മാർച്ച് 6 മുതല് 28 വരെയും നടക്കും. ഒന്നാംവർഷ പരീക്ഷ ഉച്ചയ്ക്ക് 1.30നും രണ്ടാം വർഷ പരീക്ഷ രാവിലെ 9.30 നും ആരംഭിക്കുമെന്നും മന്ത്രി വാർത്താസമ്മേളനത്തില് വ്യക്തമാക്കി. വിദ്യാഭ്യാസ വകുപ്പ് തിരുവനന്തപുരത്ത് ഇന്ന് സംഘടിപ്പിച്ച വാര്ത്താസമ്മേളനത്തിലാണ് തീയതികള് പ്രഖ്യാപിച്ചത്.