തിരുവനന്തപുരം ആര്യനാട് പൊലീസ് സ്റ്റേഷനില് പരാക്രമം നടത്തിയ യുട്യൂബറെ കസ്റ്റഡിയിലെടുത്തു. സിഐയെ ഇരുമ്പ് കസേര കൊണ്ട് തലക്കടിച്ച് പരിക്കേല്പ്പിച്ച യദു കൃഷ്ണനെയാണ് പൊലീസ് കസ്റ്റഡിയിലെടുത്തത്.തലയ്ക്ക് ഗുരുതരമായി പരിക്കേറ്റ സി ഐ ചികിത്സയില് തുടരുകയാണ്. ആര്യനാട് പൊലീസ് സ്റ്റേഷനില് ഇന്നലെ അതിക്രമമുണ്ടായത്. മദ്യക്കുപ്പിയുമായി സ്റ്റേഷനില് എത്തിയ യദു പൊലീസുകാരോട് മോശമായി പെരുമാറുകയും മദ്യക്കുപ്പി അടിച്ചു പൊട്ടിക്കുകയും ചെയ്തു. പിടിക്കാൻ ശ്രമിക്കുന്നതിനിടെ പ്രതി തൊട്ടടുത്ത ആശുപത്രിയിലേക്ക് ഓടിക്കയറി. പിന്നാലെ ഓടിയെത്തിയ സിഐയെ ഇരുമ്പ് കസേര കൊണ്ട് തലക്കടിച്ചു. സംഭവത്തില് പ്രതി ആര്യനാട് സ്വദേശി യദുകൃഷ്ണനെ പൊലീസ് കസ്റ്റഡിയിലെടുത്തു.