നിരാഹാര സമരം പത്താം ദിവസത്തിലേക്ക്; വരും ദിവസങ്ങളില്‍ സമരം കടുപ്പിക്കാൻ ആശമാര്‍; തിങ്കളാഴ്ച സെക്രട്ടറിയേറ്റിനു മുന്നില്‍ മുടി മുറിച്ച്‌ പ്രതിഷേധം,രാപകല്‍ സമരം 48-ാം ദിവസത്തിലാണ്.
ആശാവർക്കേഴ്സായ ബീന പീറ്റർ, അനിതകുമാരി, ശൈലജ എന്നിവരാണ് നിരാഹാര സമരം തുടരുന്നത്. ആവശ്യങ്ങള്‍ ഇതുവരെ സർക്കാർ അംഗീകരിക്കാത്ത സാഹചര്യത്തില്‍ വരും ദിവസങ്ങളില്‍ സമരം കടുപ്പിക്കുന്നതിന്റെ ഭാഗമായി തിങ്കളാഴ്ച സമരത്തിന്റെ അമ്ബതാം ദിവസം സെക്രട്ടറിയേറ്റിനു മുന്നില്‍ മുടി മുറിച്ച്‌ സമരം ചെയ്യാനും കേരള ആശ ഹെല്‍ത്ത് വർക്കേഴ്സ് അസോസിയേഷന്റെ തീരുമാനമുണ്ട്.
നിരാഹാരം ആരംഭിച്ചതിന് ശേഷം സർക്കാർ സമരക്കാരെ ഇതുവരെ ചർച്ചയ്ക്ക് ക്ഷണിച്ചിട്ടില്ല. പ്രതികാര നടപടിയുടെ ഭാഗമായി സമരം ചെയ്യുന്നവർക്ക് ഫെബ്രുവരി മാസത്തെ ആനുകൂല്യങ്ങള്‍ നല്‍കുന്നില്ലെന്നും സമരക്കാർ ആരോപിക്കുന്നു.
