ജില്ലാ പഞ്ചായത്തിൻ്റെ 2024-25 വാർഷിക പദ്ധതിയിൽ ഉൾപ്പെട്ട പട്ടികജാതി വിഭാഗത്തിൽ ഉൾപ്പെട്ടതും ദേശീയ അന്തർദേശീയ തലങ്ങളിൽ വിവിധ കലാകായിക മത്സരങ്ങളിൽ പങ്കെടുത്തതുമായ പ്രതിഭകൾക്ക് ധനസഹായം അനുവദിക്കുന്ന പദ്ധതിയിലേക്ക് അപേക്ഷ ക്ഷണിച്ചു.
ജില്ലാ പട്ടികജാതി വികസന ഓഫീസിൽ നിന്നും ലഭിക്കുന്ന നിശ്ചിത മാതൃകയിലുള്ള അപേക്ഷാഫോം, വിദ്യാഭ്യാസ യോഗ്യത, ജാതി, വയസ്സ് എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പ്, പ്രവർത്തന മേഖലയിലെ മത്സരങ്ങളിലെ പങ്കാളിത്തം തെളിയിക്കുന്ന രേഖകളുടെ സാക്ഷ്യപ്പെടുത്തിയ പകർപ്പ് എന്നിവ ഉൾപ്പെടെ സെപ്റ്റംബർ 11 വൈകുന്നേരം അഞ്ചുമണിക്ക് മുൻപായി ജില്ലാ പട്ടികജാതി വികസന ഓഫീസർ, ജില്ലാ പട്ടികജാതി വികസന ഓഫീസ്, അയ്യങ്കാളി ഭവൻ, കനകനഗർ, വെള്ളയമ്പലം, 695003 എന്ന വിലാസത്തിൽ ലഭിക്കണം. ഫോൺ 0471 2314238, 2314232