കോവളം ജംഗ്ഷനിലെ കവര്‍ച്ചകൾ തുടർകഥ ; ഇന്നലെ നഴ്സ് രക്ഷപ്പെട്ടത് തലനാരിഴക്ക്!

തിരുവനന്തപുരം: ജോലി കഴിഞ്ഞു വീട്ടിലേക്കു പോവുകയായിരുന്ന നഴ്‌സിനെ ആക്രമിച്ച് രണ്ടര പവന്‍റെ മാല കവര്‍ന്നു. തിങ്കളാഴ്ച വൈകിട്ട് മൂന്നോടെ കോവളം ജംഗ്ഷനു സമീപം കമുകിന്‍കുഴി റോഡിലാണ് സംഭവം. കമുകിന്‍കുഴി സ്വദേശിനി സജിവിഹാറില്‍ സ്‌നേഹയുടെ (21) മാലയാണ് കവര്‍ന്നത്. തടയാന്‍ ശ്രമിച്ചപ്പോള്‍ യുവതിയുടെ ഇടതുകൈയില്‍ ആയുധമുപയോഗിച്ച് മുറിവേല്‍പ്പിച്ചു.​കൈയ്യിലും കഴുത്തിനും പരിക്ക്

മണക്കാട്ടെ സ്വകാര്യ ആശുപത്രിയിലെ നേഴ്‌സായ സ്‌നേഹ ജോലി കഴിഞ്ഞ് ബസ് ഇറങ്ങി വീട്ടിലേക്കു നടക്കുകയായിരുന്നു. ജംഗ്ഷനില്‍ നിന്ന് അധികം അകലെയല്ലാത്ത ഭാഗത്തുവച്ചാണ് ഹെല്‍മറ്റുധാരിയായ മോഷ്ടാവ് മാല പിടിച്ചുപറിച്ചതെന്ന് സ്‌നേഹ പറഞ്ഞു. തടയാന്‍ ശ്രമിച്ചപ്പോള്‍ ആയുധമുപയോഗിച്ച് ആക്രമിക്കുകയായിരുന്നു. സ്‌നേഹയുടെ ഉള്ളം കൈയിലും കഴുത്തിനും പരിക്കുണ്ട്. കോവളം പോലീസില്‍ പരാതി നല്‍കി.




മോഷണം ഒരു തുടർക്കഥ ആയി മാറുകയാണ് തിരുവനന്തപുരത്ത് ജംഗ്ഷനിലെയും പരിസരത്തെയും സിസിടിവി ക്യാമറ ദൃശ്യങ്ങള്‍ പോലീസ് ശേഖരിച്ചു. പ്രതിയെ ഉടന്‍ പിടികൂടുമെന്ന് പോലീസ് പറഞ്ഞു. ഒരാഴ്ച മുമ്പ് മുട്ടയ്ക്കാട് ഗണപതി ക്ഷേത്രത്തിന് സമീപം പ്രഭാത സവാരിക്കിറങ്ങിയ വീട്ടമ്മയുടെ രണ്ടര പവന്‍റെ മാലയും, വാഴമുട്ടം ഭാഗത്ത് മീന്‍ വ്യാപാരിയുടെ മൊബൈലും പുലര്‍ച്ചെ പിടിച്ചു പറിച്ച സംഭവത്തിനും പിന്നാലെയാണ് ഇന്നലെ വീണ്ടും പട്ടാപ്പകല്‍ യുവതിയെ ആക്രമിച്ച് മാല കവര്‍ന്നത്.

അതിനിടെ, നേമത്തും ബൈക്കിലെത്തിയ സംഘം വീട്ടമ്മയുടെ കഴുത്തില്‍ കിടന്ന മാല പൊട്ടിച്ചു. ഇന്നലെ വൈകുന്നേരം ആറരയ്ക്ക് സ്റ്റുഡിയോറോഡ് പ്ലാങ്കാലമുക്കിന് സമീപം ജയനന്ദനത്തില്‍ മനുജ ജയേഷിന്‍റെ കഴുത്തില്‍ കിടന്ന നാലര പവന്‍റെ മാലയാണ് ബൈക്കിലെത്തിയ സംഘം കവര്‍ന്നത്. റോഡില്‍ നിന്നും വീട്ടിലേയ്ക്കുള്ള ഇടുങ്ങിയ വഴിയിലേക്ക് മനുജ കയറിയപ്പോള്‍ പുറകിലൂടെ എത്തിയ ആള്‍ മര്‍ദിച്ച ശേഷം മാല പൊട്ടിക്കുകയായിരുന്നുവെന്ന് പരാതിയില്‍ പറയുന്നു. നേമം പോലീസ് അന്വേഷണം ആരംഭിച്ചു. രണ്ടു സംഭവങ്ങള്‍ക്കും പിന്നില്‍ ഒരേ ഗ്യാങ്ങാണോ എന്നും പോലീസ് അന്വേഷിക്കുന്നുണ്ട്.

ശിവരൂപത്താൽ വിസ്മയം തീർത്ത ശില്പിയോടൊപ്പം ആഴിമലയിൽ ഗംഗാധരേശ്വര ശിവരൂപത്താൽ വിസ്മയം തീർത്ത ശില്പിയോടൊപ്പം

[fb_plugin video href=”https://www.facebook.com/107537280788553/videos/1348044715547717″ ]