കേരള സര്‍വകലാശാലയുടെ കാര്യവട്ടം ക്യാമ്പസിനുള്ളിലെ വാട്ടര്‍ ടാങ്കില്‍ കണ്ടെത്തിയ അസ്ഥികൂടം കണ്ണൂര്‍ തലശ്ശേരി സ്വദേശിയുടേതെന്ന് പൊലീസിന്റെ പ്രാഥമിക നിഗമനം. അസ്ഥികൂടത്തിന് സമീപത്ത് നിന്ന് ലഭിച്ച പേഴ്‌സില്‍ കണ്ടെത്തിയ ഡ്രൈവിംഗ് ലൈസന്‍സ് തലശ്ശേരി സ്വദേശിയുടേതാണ്. തൊപ്പി, കണ്ണട, ബാഗ്, ടൈ എന്നിവയും മൃതദേഹത്തിന് സമീപത്ത് നിന്ന് ലഭിച്ചിട്ടുണ്ട്.
തലശ്ശേരി സ്വദേശി അവിനാശിന്റേതാണ് മൃതദേഹത്തിന് സമീപത്ത് നിന്ന് ലഭിച്ച ലൈസന്‍സ്. 39 വയസാണ് ഡ്രൈവിംഗ് ലൈസന്‍സിലെ അവിനാശിന്റെ പ്രായം. കണ്ണൂര്‍ തലശ്ശേരി പൊലീസ് സ്റ്റേഷനനിലേക്ക് ഇത് സംബന്ധിച്ച് വിവരം നല്‍കിയതായി കഴക്കൂട്ടം പൊലീസ് അറിയിച്ചു. നിലവില്‍ അസ്ഥികൂടം ഫോറന്‍സിക് സംഘം പരിശോധിച്ച് വരുകയാണ്.
