ആറ്റിങ്ങൽ: ആറ്റിങ്ങൽ ഗവ. ഗേൾസ് ഹയർ സെക്കൻഡറി സ്കൂളിൽ നഗരസഭ നിർമ്മിച്ച പുതിയ ബ്ലോക്കിന്റെ ഉദ്ഘാടനം ഇന്ന് ഉച്ചയ്ക്ക് 2 ന് ഡ‌െപ്യൂട്ടി സ്പീക്കർ വി.ശശി നിർവഹിക്കും. പുതിയ ബ്ലോക്കിന് 150-ാമത് ഗാന്ധിജയന്തി വാർഷിക സ്മാരകം എന്ന് അഡ്വ. ബി.സത്യൻ എം.എൽ.എ നാമകരണം ചെയ്യും. നഗരസഭാ ചെയർമാൻ എം.പ്രദീപ് അദ്ധ്യക്ഷത വഹിക്കും. വൈസ് ചെയർപേഴ്സൺ ആർ.എസ്. രേഖ, ആർ.രാജു, എ. റുഖൈനത്ത്, എസ്.ജമീല, അവനവഞ്ചേരി രാജു, എം.അനിൽകുമാർ, എസ്.വിശ്വനാഥൻ, എസ്.സന്തോഷ് കുമാർ, മുരളീധരൻ, ഡി.എസ്. ജയരാജ്, എ. ലതാകുമാരി, ആർ.എസ്. ലത, പി. സിനി, സി.പ്രദീപ് എന്നിവർ സംസാരിക്കും.
