പിടിയിലാകുന്നത് മാരകായുധങ്ങളുമായി . ഒന്നാംപ്രതി കൊലപാതക കേസിലെ പ്രതി. പോത്തൻകോട് : വെമ്പായം മുറമേൽ ഓട്ടോഡ്രൈവറായ സുനിലിന്റെ വീടുകയറി അക്രമിക്കുകയും ചോദ്യം ചെയ്ത സുനിൽ ഭാര്യയെ വെട്ടുകത്തി കൊണ്ട് വെട്ടി പരിക്കേൽപ്പിക്കുകയും ചെയ്ത പ്രതികൾ പിടിയിൽ . ശ്രീകാര്യം മേലാംകോണം പുതുവൽ പുത്തൻവീട്ടിൽ സജിയുടെ മകൻ സിബി (28 വയസ്സ് ) മണ്ണന്തല കുളപ്പറകോണം രാജ് നിവാസിൽ സുരേന്ദ്രൻ മകൻ അനന്ദു (26 വയസ്സ്) എന്നിവരാണ് അറസ്റ്റിലായത് .
ഫെയ്സ്ബുക്കിൽ വ്യാജ പ്രൊഫൈൽ ഉണ്ടാക്കി അതിൽ നിന്നും സുനിലിന്റെ ഭാര്യക്ക് സിബിയും അനന്തവും മെസ്സേജ് അയച്ചിരുന്നു. പട്ടം മരപ്പാലത്തെ ഓട്ടോ സ്റ്റാൻഡിൽ ഡ്രൈവറായ സുനിലിന്റെ ഓട്ടോ ഓടിച്ചു വന്നിരുന്ന സിബിയും സുനിലും പരിചയക്കാരാണ്. വ്യാജ ഫേസ്ബുക്കിലെ പ്രൊഫൈലിൽ കൊടുത്തിരുന്ന ഫോൺ നമ്പർ പരിശോധിച്ചപ്പോഴാണ് സുനിലിന് അത് സിബിയുടെ ഫോൺ നമ്പർ ആണെന്ന് മനസ്സിലായത് . തുടർന്നു സുനിൽ സിബിയെ ഫോണിൽ വിളിച്ചു ഭാര്യക്ക് മോശം മെസ്സേജ് അയച്ചത് ചോദ്യംചെയ്യുകയും, ഇതിനെ തുടർന്നുള്ള വൈരാഗ്യമാണ് സുനിലിന്റെ വീട്ടിൽ കയറി ആക്രമിക്കാൻ കാരണം . വട്ടപ്പാറ ഒരു വീട്ടിൽ സംഭവശേഷം ഒളിവിൽ താമസിച്ചു വരികയായിരുന്നു പ്രതികൾ .
സിബി ശ്രീകാര്യം പോലീസ് സ്റ്റേഷനിലെ കൊലപാതക കേസിലെ പ്രതിയാണ്. മദ്യപിച്ച ശേഷം ബൈക്കിലെത്തിയ സിബിയും സുനിലും അർദ്ധ രാത്രി 12 മണിയോടുകൂടി അക്രമം അഴിച്ചു വിടുകയായിരുന്നു. പ്രതികളെ അതി സാഹസികമായാണ് പോലീസ് പിടികൂടിയത്. വട്ടപ്പായിലെ ഒരു വീട്ടിൽ മദ്യപിച്ചും , കഞ്ചാവ് വലിച്ചും ഇരുന്ന പ്രതികളെ പിടികൂടുമ്പോൾ കൈവശം മാരകായുധങ്ങളും ഉണ്ടായിരുന്നു. തന്റെ സഹോദരനായ ശ്രീകാര്യം കൊലക്കേസിലെ പ്രതിയായ എബിയെ വെട്ടിപ്പരിക്കേൽപ്പിച്ച സംഘം തന്നെയും അപായപ്പെടുത്തുമെന്ന് അതുകൊണ്ട് സ്വയരക്ഷയ്ക്കായിട്ടാണ് ആയുധവും കൊണ്ട് നടക്കുന്നതെന്നാണ് പോലീസിനോട് പറഞ്ഞത് . വീട്ടിൽ അഞ്ചു പേരുണ്ടായിരുന്നു . ഇവരുടെ കൈവശം കഞ്ചാവും ഉണ്ടായിരുന്നു .കേസിൽ പ്രതികൾ അല്ലാത്ത അത് മൂന്നു പേരെ അരുവിക്കര പോലീസിന് കൈമാറി. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.പോത്തൻകോട് എസ് .എച്ച് . ഒ.ശ്യാമിന്റെ നിർദ്ദേശപ്രകാരം ,എസ് ഐ . വിനോദ് വിക്രമാദിത്യൻ , എസ് സി പി ഓ മാരായ രാജേഷ്, ഉണ്ണി കൃഷ്ണൻ , മോഹൻദാസ് എന്നിവരടങ്ങിയ സംഘമാണ് പ്രതികളെ പിടികൂടിയത്.
