കടയ്ക്കാവൂർ :വ്യക്തിവൈരാഗ്യം തീർക്കാൻ സുഹൃത്തിനെ വെട്ടി പരികേൽപ്പിച്ചു. മണമ്പൂർ കവലയൂർ സ്വദേശി ബിജുവിനെ (48) കഴിഞ്ഞ 30/ 04/23 തീയതി ഉച്ചക്ക് 2.30 മണിയോട് കൂടി വീട്ടിലേക്ക് പോകുന്ന വഴിയിൽ ബുള്ളറ്റിൽ വന്ന മണമ്പൂർ വില്ലേജിൽ കവലയൂർ സ്വദേശി ബിജു(43) തടഞ്ഞുനിർത്തി കൂട്ടുകാരോട് അനാവശ്യം പറഞ്ഞതുമായി ബന്ധപ്പെട്ട് വാക്ക് തർക്കവും അടിപിടിയും ഉണ്ടാക്കുകയും തുടർന്ന് വീട്ടിൽ സൂക്ഷിച്ചിരുന്ന വാള് ഓടിപ്പോയി എടുത്തുകൊണ്ടുവന്ന് തലയിൽ മാരകമായി വെട്ടിപ്പരിക്കേൽപ്പിക്കുകയും ചെയ്തു. ബഹളം കേട്ട് നാട്ടുകാർ ഓടിക്കോടിയപ്പോൾ ബിജു ബുള്ളറ്റിൽ രക്ഷപ്പെട്ടു. പരിക്ക് പറ്റിയ ബിജുവിനെ ബന്ധുക്കൾ ചിറയൻകീഴ് താലൂക്ക് ആശുപത്രിയിൽ എത്തിക്കുകയും ചികിത്സ തുടർന്നു വരികയും ചെയ്യുന്നു. അക്രമത്തിനുശേഷം ബുള്ളറ്റിൽ രക്ഷപ്പെട്ട പ്രതി കാറിൽ രക്ഷപ്പെടാൻ ശ്രമിക്കുന്നതായി വിവരം ലഭിച്ചതിന് തുടർന്നു കടയ്ക്കാവൂർ SHO സജിൻ ലൂയിസിന്റെ നേതൃത്വത്തിൽ സബ് ഇൻസ്പെക്ടർ ദീപു.എസ്. എസ്, മാഹിൻ. ബി Asi രാജീവ്‌ ജയകുമാർ,CPO മാരായ സുജിൽ, അനിൽകുമാർ ശ്രീഹരി എന്നിവർ അടങ്ങുന്ന സംഘം പ്രതിയെ പിടികൂടുകയും ചെയ്തു. പ്രതി രക്ഷപ്പെടാൻ ഉപയോഗിച്ച ബുള്ളറ്റും കാറും കസ്റ്റഡിയിൽ എടുത്തു.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
