ആറ്റിങ്ങൽ: ആറ്റിങ്ങൽ അയിലം സ്കൂളിന് മുന്നിൽ പാർക്ക് ചെയ്ത് ഇട്ടിരുന്ന RKV ബസ്സ് സാമൂഹ്യവിരുദ്ധർ അടിച്ചു തകർത്ത നിലയിൽ.ഇന്നലെ രാത്രിയാണ് സംഭവം. പതിവായി ഈ സ്റ്റേ ബസ്സ് രാത്രിയിൽ സ്കൂളിന് മുന്നിൽ തന്നെയാണ് പാർക്ക് ചെയ്യാറുള്ളത്.
നേരത്തെ തന്നെ സാമൂഹ്യവിരുദ്ധശല്യം ഉണ്ടായിരുന്ന പ്രദേശമാണ് അയിലം. എന്നാൽ കുറച്ചുനാളായി ഉപദ്രവം കുറവായിരുന്നു എന്ന് നാട്ടുകാർ പറയുന്നു.ബസിന്റെ കണ്ണാടി ചില്ലുകൾ ആണ് അടിച്ചു പൊട്ടിച്ചിരിക്കുന്നത്. തൊട്ടടുത്ത് സിസിടിവി ക്യാമറ ഉണ്ടെന്ന് നാട്ടുകാർ പറയുന്നുണ്ട്.
ആറ്റിങ്ങൽ പോലീസിന്റെ പരിധിയിലാണ് സംഭവം നടന്നിരിക്കുന്നത്. ആറ്റിങ്ങൽ പൊലീസിൽ പരാതി നൽകി.സിസിടിവി ദൃശ്യങ്ങൾ പരിശോധിച്ച് പ്രതികൾ ആരെന്ന് തിരിച്ചറിയാൻ ആകുമെന്നാണ് പ്രതീക്ഷിക്കുന്നത്. പ്രതികൾക്ക് നേരെ കർശന നടപടി ഉണ്ടാകുമെന്ന് പോലീസ് അറിയിച്ചു.
