പ്രായപൂർത്തിയാകാത്ത പെണ്‍കുട്ടിയെ ശാരീരികമായ ഉപദ്രവിച്ച പിതാവ് അറസ്റ്റില്‍. വർക്കലയിലായിരുന്നു സംഭവം.മദ്യപിച്ചെത്തുന്ന പ്രതി സ്ഥിരമായി കുട്ടിയെ ഉപദ്രവിക്കാറുണ്ടായിരുന്നുവെന്നാണ് ലഭിക്കുന്ന വിവരം. പ്രതിയുടെ അതിക്രമം സഹിക്കാൻ കഴിയാതെ രണ്ട് വർഷം മുൻപ് ഇയാളുടെ ഭാര്യ ഭർത്താവിനെയും മകളെയും ഉപേക്ഷിച്ച്‌ പോയിരുന്നു. ഇതിന് ശേഷം പിതാവിന്റെ സഹോദരിയുടെ സംരക്ഷണയിലാണ് കുട്ടി കഴിഞ്ഞിരുന്നത്.
എന്നാല്‍ കഴിഞ്ഞ ദിവസം മദ്യപിച്ചെത്തിയ പ്രതി കുട്ടിയെ മുറിയില്‍ പൂട്ടിയിട്ട് ശാരീരികമായി ഉപദ്രവിക്കുകയും ചെയ്തു. ഇതോടെ പ്രതിയുടെ സഹോദരി വർക്കല പോളിഎസില്‍ പരാതി നല്‍കുകയായിരുന്നു. തുടർന്ന് സ്ഥലത്തെത്തിയ പോലീസ് പ്രതിയെ കസ്റ്റഡിയില്‍ എടുക്കുകയും കോടതിയില്‍ ഹാജരാക്കി റിമാൻഡ് ചെയ്യുകയും ചെയ്തു.
